Psalme
Ditaelo tšeo di yago go mohlahli. Koša ya Dafida mohlanka wa Jehofa, yeo a e opeletšego Jehofa letšatšing la ge Jehofa a mo phološa diatleng tša manaba a gagwe ka moka go akaretša le go Saulo. O itše:+
18 Ke a go rata, wena Jehofa maatla a ka.+
2 Jehofa ke leswika la ka le legolo, sebo sa ka le Mohlakodiši wa ka.+
Modimo wa ka o swana le leswika+ la ka leo ke tšhabelago go lona,
Ke kotse ya ka le lenaka* la ka la go mphološa, lefelo la ka leo ke tšhabelago go lona leo ke ikwago ke šireletšegile.+
4 Go bjalo ka ge eka ke tateditšwe ke dithapo tša lehu.+
Banna ba go se re selo bao ba swanago le mafula ba ntšhošitše.+
6 Ke ile ka bitša Jehofa ke le mathateng a magolo,
Ka dula ke llela Modimo wa ka gore a nthuše.
7 Lefase la thoma go šišinyega,+
Dithaba tša šikinyega,
Tša ya pele le morago ka gobane o be a galefišitšwe.+
8 Muši wa tšwa dinkong tša gagwe,
Mollo o mogolo wa tšwa molomong wa gagwe+
Gomme magala a tuka a etšwa go yena.
9 Ge a dutše a theoga, o ile a dira gore magodimo a iname.+
Leswiswi le leso le be le le ka tlase ga dinao tša gagwe.+
10 O ile a tla a fofa a nametše mokerubi,+
A tla ka lebelo a le maphegong a sebopiwa sa moya.*+
11 Ke moka a ikhupetša ka leswiswi,+
Leswiswi la maru a maso ao a tletšego ka meetse,
La mo khupetša bjalo ka ge eka o ikhupeditše ka tente.+
12 Ke moka magadima a gadima pele ga gagwe,
Gomme sefako le magala a tukago mollo tša tšwa mo marung.
13 Ke moka Jehofa a dira gore kua magodimong go kwagale modumo,+
Gomme Modimo yo Godimodimo a dira gore lentšu la gagwe le kwagale,+
Gwa tšhologa sefako le magala a tukago mollo.
14 A thuntšha mesebe ya gagwe, e le gore a šwalalanye manaba a ka,+
A gadimiša magadima a gagwe e le gore a a gakantšhe.+
15 Dinokana tše di utamilego tša thoma go bonagala,+
Metheo ya lefase ya thoma go utologa ka gobane wena Jehofa o galefile,
Ya utollwa ke modumo wa mohemo wo o tšwago dinkong tša gago.+
16 A otlolla seatla sa gagwe a le kua godimo,
A ntshwara gomme a nntšha ka gare ga bodiba bja meetse.+
17 O mphološitše go manaba a ka ao a bego a le maatla,+
Le go bao ba ntlhoilego, bao ba bego ba mpheta ka maatla.+
21 Ka gobane ke be ke dula ke itshwara ka tsela yeo Jehofa a nyakago ka yona,
Gomme ga se ka dira bobe ka lahla Modimo wa ka.
22 Ke dula ke gopola melao ya gagwe,
Gomme nka se lebale ditaelo tša gagwe.
25 Ge motho a botega, le wena o tla dirišana le yena ka potego.+
Monna yo a se nago molato o tla dirišana le yena ka go loka.+
26 Bao ba dirago dilo tša go loka, le wena o ba direla dilo tša go loka.+
Eupša ga o forwe ke bao ba ratago bofora.+
28 Ka gobane wena Jehofa o mpha seetša.
O Modimo wa ka yo a fetošago leswiswi leo le ntikologilego gore e be seetša.+
29 Ka thušo ya gago ke tla hlasela bao ba nkamogago dilo tša ka.+
Ka thušo ya Modimo ke tla tshela maboto.+
O swana le kotse ya go šireletša batho ka moka bao ba tšhabelago go yena.+
31 Modimo yo mongwe ke mang ka ntle le Jehofa?+
Le gona ke mang e lego leswika ge e se Modimo wa rena?+
33 O dira gore maoto a ka a kitime bjalo ka a kgama,*
E le gore ke kgone go ema mafelong a phagamego ao go rapelwago go ona.+
34 O ntlwaetša ntwa,
Ga bjale ke kgona go koba bora bja koporo.
35 Wena Modimo o ntšhireletša ka kotse ya gago,+
O nthekga ka letsogo la gago le letona,
Gomme boikokobetšo bja gago bo a mphagamiša.+
37 Ke tla kitimiša manaba a ka go fihlela ke a swara.
Nka se boe go ba go fihlela a fedišwa.
41 Ba llela thušo, eupša ga go yo a ba phološago,
Ba llela Jehofa, eupša le yena ga a ba arabe.
42 Ke tla ba šila, ba swana le lerole leo le tšewago ke phefo.
Ke tla ba tšholla tše ekego ke tšholla leraga diterateng.
43 Wena o tla mphološa go batho bao ba ratago go swayaswaya diphošo.+
O tla nkgetha gore ke be moetapele wa ditšhaba.+
Ke tla hlankelwa ke batho bao ke bego ke sa ba tsebe.+
44 Dilo tšeo ba di kwelego ka nna di tla dira gore ba ntheetše.
Batho ba go tšwa dinageng tše dingwe, ba tla khunama pele ga ka ba tšhogile.+
45 Batho ba go tšwa dinageng tše dingwe ba tla fela maatla,
Ba tla tšwa mafelong ao ba ikutilego go ona ba thothomela.
46 Jehofa ke Modimo yo a phelago! Anke a retwe ka gobane o swana le Leswika+ le legolo leo ke tšhabelago go lona,
Anke Modimo yo a mphološago a godišwe.+
48 O mphološa go manaba a ka ao a galefilego,
Wena o a mphagamiša gore bao ba ntlhaselago ba se mphihlelele,+
O mphološa go monna yo a nyakago go nkweša bohloko.