Psalme
Maskile.* Koša ya Ethane+ wa Moetsera.
89 Ke tla opela ka mediro ya Jehofa ya go bontšha lerato le le botegago go ya go ile.
Ke tla tsebiša meloko ka moka ka go botega ga gago.
2 Ka gobane ke itše: “Lerato la gago le le botegago le tla dula le le gona go ya go ile.+
Le gona go botega ga gago go dula go le gona magodimong.”
3 Wena wa re: “Ke dirile kgwerano le motho yo ke mo kgethilego.+
Ke enetše Dafida mohlanka wa ka ka re:+
4 ‘Ke tla dira gore ditlogolo+ tša gago di dule di le gona go ya go ile,
Gomme ka dira gore setulo sa gago sa bogoši se be gona melokong ka moka.’”+ (Selah)
5 Wena Jehofa, magodimo a reta mediro ya gago e makatšago,
Phuthego ya bakgethwa e tla go reta ka baka la go botega ga gago.
6 Ke mang yo a ka bapišwago le Jehofa kua magodimong?+
Ke mang yo a swanago le Jehofa gare ga barwa* ba Modimo?+
7 Sehlopha sa bakgethwa se boifa Modimo ebile se a mo hlompha.+
Ke yo mogolo ebile o a boifiša go bohle bao ba mo dikologilego.+
O botega dilong tšohle.+
10 O fentše Rahaba*+ go etša motho yo a bolailwego gasehlogo.+
O gašantše manaba a gago ka letsogo la gago le maatla.+
11 Magodimo ke a gago le lefase ke la gago.+
Naga le dilo ka moka tšeo di lego go yona,+ di dirilwe ke wena.
12 Ke wena o dirilego gore go be le leboa le borwa.
Thaba ya Thabora+ le ya Heremone+ di tumiša leina la gago di thabile.
13 Letsogo la gago le na le maatla,+
Seatla sa gago se tiile,+
Seatla sa gago sa le letona se a fenya.+
15 Go thaba batho bao ba go tumišago ba thabile.+
Wena Jehofa, ba tšwela pele ba sepela le wena* ebile o a ba amogela.
16 Ba thaba letšatši ka moka ka baka la leina la gago
Ebile ba a hlomphiwa ka baka la go loka ga gago.
17 O dira gore batho ba gago ba be le maatla+ ebile o ba nea seriti.
Maatla a rena a a oketšega ka gobane o a re šegofatša.+
19 Ka nako yeo, o dirišitše pono go bolela le batho ba gago bao ba go botegelago, gomme wa re:
“Motho yo a nago le maatla, ke mo file maatla.+
Motho yo ke mo kgethilego ke mo phagamišitše gare ga batho.+
22 Manaba a gagwe a ka se mo gapeletše gore a ntšhe lekgetho,
Ebile ga go na motho yo mobe yo a tlago go mo gatelela.+
24 Ke tla dula ke mmotegela le go mmontšha lerato la ka le le botegago.+
Ke tla mo okeletša maatla ka baka la leina la ka.
27 Le gona, ke tla mo dira gore e be leitšibulo,+
Ka mo dira gore e be yo mogolo kudu go feta dikgoši ka moka tša lefase.+
28 Ke tla dula ke mmontšha lerato la ka le le botegago go ya go ile,+
Le kgwerano yeo ke e dirilego le yena e tla dula e le gona.+
29 Ke tla dira gore ditlogolo tša gagwe di dule di le gona go ya go ile,
Ebile ke tla dira gore setulo sa gagwe sa bogoši se dule se le gona go swana le magodimo.+
30 Ge e ba barwa ba gagwe ba ka tlogela molao wa ka
Gomme ba se kwe ditaelo tša ka,
31 Ge e ba ba ka tshela melao ya ka
Gomme ba se phele ka ditaelo tša ka,
32 Gona ke tla ba otla ka kgati ka ge ba sa nkwe,+
Ka ba ka ba betha ka thupa ke ba bethela melato ya bona.
33 Eupša nka se kgaotše go mmontšha lerato la ka le le botegago,+
Goba ka tlogela go phetha seo ke mo tshepišitšego sona.
36 Ditlogolo tša gagwe di tla ba gona go ya go ile,+
Setulo sa gagwe sa bogoši se tla dula se le gona go swana le letšatši.+
37 Se tla dula se tiile go ya go ile
Go swana le ngwedi wo o dulago o le gona* leratadimeng.” (Selah)
39 Ga se wa phetha kgwerano yeo o e dirilego le mohlanka wa gago.
O nyaditše mphapahlogo wa gagwe ka go o lahlela fase.
40 O phušotše maboto a gagwe ka moka ao a agilwego ka maswika.
O sentše mafelo a gagwe ao a šireletšegilego.
41 Batho ka moka bao ba fetago ka tsela ba mo tšeetše dilo tša gagwe.
Baagišane ba gagwe ba a mo kwera.+
43 O dirile gore sabola ya gagwe e se šome,
Gomme wa dira le gore a fenywe ntweng.
44 O dirile gore a se sa hlomphiwa,
Wa dira le gore a se sa buša.
45 O dirile gore a tšofale ka pela,
Wa ba wa dira gore a lewe ke dihlong. (Selah)
46 Wena Jehofa, o tla dula o se na taba le rena go fihla neng? Na e tla ba go ya go ile?+
Na o tla tšwela pele o galefile go swana le mollo wo o tukago?
47 Gopola gore bophelo bja ka ke bjo bokopana gakaakang!+
Na batho ka moka o ba bopetše lefeela?
48 Na go na le motho yo a ka dulago a phela gomme a se hlokofale?+
Na a ka iphološa gore a se tsene Lebitleng?* (Selah)
49 Wena Jehofa, di kae dilo tše dibotse tšeo o bego o re direla tšona peleng ge o be o re bontšha gore o a re rata,*
Tšeo o di tshepišitšego Dafida ka baka la ge o tshepega?+