Diema
18 Yo a ratago go phela a nnoši, o dula a nagana ka dilo tšeo di holago yena a nnoši,
Ebile o gana dikeletšo ka moka tše dibotse.
2 Motho wa setlaela ga a nyake go kwešiša selo,
Eupša o rata go bolela feela ka dilo tšeo yena a di naganago.+
3 Ge motho a dira dilo tše mpe o tla nyatšwa,
Le gona ge motho a dira dilo tša go leša dihlong, a ka se hlomphiwe.+
4 Dilo tšeo di bolelwago ke motho yo bohlale di swana le sediba seo se išago fasefase,+
Le gona bohlale bjo bo tšwago go yena bo bjalo ka noka yeo e elelago.
5 Ge o ahlola, ga se wa swanela go kgetholla motho yo mobe,+
Goba wa se bontšhe moloki toka yeo e mo swanetšego.+
6 Dilo tšeo setlaela se di bolelago di baka dingangišano+
Ebile di dira gore ba bangwe ba nyake go se betha.+
7 Motho wa setlaela o senywa ke molomo wa gagwe,+
Gomme dilo tšeo a di bolelago di tsenya bophelo bja gagwe kotsing.
8 Mantšu a motho yo a senyago ba bangwe maina, a bose go swana le dijo tše dibose,+
A metšega gabonolo gomme a ya ka mpeng.+
10 Leina la Jehofa le swana le lefelo la go ikuta.*+
Moloki o tšhabela go lona gomme a šireletšwa.+
11 Dilo tše bohlokwa tša mohumi di swana le motse wa gagwe wo o šireleditšwego,
Gomme yena o nagana gore di swana le leboto la go mo šireletša.+
14 Motho yo a thabilego a ka kgona go kgotlelela bolwetši,+
Eupša ke mang yo a ka kgotlelelago go gateletšega?+
15 Motho yo a kwešišago o nyaka go hwetša tsebo,+
Gomme batho ba bohlale ba a theetša e le gore ba hwetše tsebo.
17 Motho yo a bolelago pele tshekong o bonagala a nepile+
Go fihlela ge motho yo a sekago le yena a etla gomme a mmotšološiša.+
18 Go dira matengwa* go fediša diphapano,+
Gwa ba gwa lamola le batho bao ba lego maatla bao ba ngangišanago.
19 Go dira gore ngwaneno yo a kgopišegilego a go swarele, go thata go swana le go thopa motse wo o šireleditšwego.+
Le gona, go na le diphapano tšeo go lego thata go di rarolla, go swana le dikeiti tše di tiilego tša motse tšeo go lego thata go di bula.+
20 Dilo tšeo motho a di bolelago di swana le dijo tšeo di khorišago mpa ya gagwe.+
O tla hwetša ditlamorago tša dilo tšeo a di bolelago.
21 Leleme le ka dira gore motho a phele goba a hwe.+
Bao ba bolelago kudu ba tla lebana le ditlamorago.+
23 Modiidi o kgopela mohumi gore a mo thuše,
Eupša mohumi o mo araba ka bogale.