Jesaya
Batho ba tla bona letago la Jehofa, lona letago la Modimo wa rena.
4 Botšang bao ba tshwenyegilego le re:
“Tiang maatla. Le se ke la tšhoga.
Bonang! Modimo wa lena o tla tla a le lefeletša go manaba a lena,
Modimo o tla tla a a otla.+
O tla tla a le phološa.”+
6 Ka nako yeo motho yo a hlotšago o tlo taboga bjalo ka kgama,*+
Gomme dimumu di tla goeletša di thabile.+
Lešokeng go tlo tšwa meetse,
Gomme leganateng gwa tšwa meetse a mantši kudu.
7 Naga yeo e omišitšwego ke phišo e tla swana le letamo leo le nago le mahlaka,
Gomme naga yeo e omilego e tla swana le didiba tša meetse.+
Meleteng yeo diphukubje di khutšago go yona,+
Go tlo ba le bjang bjo botala le mahlaka le dimela tša papirase.
Motho wa go se hlweke a ka se sepele go yona.+
Mo go yona go tla sepela feela yo a e latelago,
Go ka se be le mašilo ao a arogelago go yona.
9 Ditau di ka se be gona moo,
Le dibata tše šoro di ka se sepele go yona.
10 Batho bao Jehofa a ba lokolotšego, ba tla boa+ ba tla Tsione ba goeletša ba thabile,+
Ba tla thaba go ya go ile.+
Ba tla thaba ebile ba tla ipshina,
Gomme manyami le masetlapelo di ka se sa ba gona.+