Psalme
Ditaelo tšeo di yago go mohlahli. Koša ya Dafida.
40 Ke letetše Jehofa ke sa fele pelo gore a nthuše,
O ile a ntheetša gomme a kwa ge ke mo kgopela gore a nthuše.+
2 O ile a nntšha ka moleteng wo o nago le meetse ao a elelago ka lebelo,
A nntšha lerageng la ditšhila.
Ke moka a mpea godimo ga leswika,
A ntshepediša mo go omilego.
Ba bantši ba tla bona seo Modimo a se dirilego gomme ba boifa,
Ka go realo ba thoma go ithekga ka Jehofa.
4 Go thaba monna yo a tshepilego Jehofa
Yo a sa tshepego batho bao ba nago le lenyatšo, goba bao ba nago le maaka.
5 Wena Jehofa Modimo wa ka,
O dula o nagana ka rena.
Ebile o re diretše dilo tše dintši tše di makatšago.+
Ga go na yo a ka bapišwago le wena.+
Ge ke be nka re ke leka go bolela ka dilo tše dibotse tšeo o di dirilego,
Ke be nka se kgone ka gobane ke tše dintši kudu.+
6 Ga se wa kgahlwa ke dihlabelo le dibego,+
Eupša o ile wa nthuša go kwa le go kwešiša melao ya gago.+
Ga se wa kgopela dibego tša go fišwa le dibego tša dibe.+
7 Ke moka ka re: “Ke nna yo,
Ka lengwalong la go phuthwa go ngwadilwe ka nna.+
9 Ke bolela ditaba tše dibotse tša go loka phuthegong e kgolo.+
Wena Jehofa o a tseba gore
Ga ke homole.+
10 Ga se ka uta go loka ga gago,
Ke dula ke bolela gore o Modimo yo a phethago se a se boletšego ebile o Modimo yo a phološago batho ba gagwe.
Ke tla bolela ka lerato la gago le le botegago le therešo ya gago ka phuthegong e kgolo.”+
11 Wena Jehofa, o se lese go nkwela bohloko.
Anke o dule o ntšhireletša ka gobane o na le lerato* ebile o a botega.+
12 Mathata a ka ke a mantši kudu ebile ga a balege.+
Melato ya ka ke e mentši kudu moo ke palelwago le ke go bona moo ke yago.+
Ke e mentši kudu go feta meriri ya hlogo ya ka,
Ebile ke nyamile kudu.
Hle Jehofa, ke kgopela o tle ka pela o nthuše.+
14 Anke batho ka moka bao ba nyakago go mpolaya
Ba swabe ba be ba hlabje ke dihlong.
Anke bao ba thabišwago ke ge ke wetšwe ke masetlapelo
Ba tšhabe ba lewa ke dihlong.
15 Anke bao ba rego go nna: “Agaa! Agaa!”
Ba tšhošwe ke dihlong tšeo di tlago go ba wela.
Anke bao ba ratago go phološwa ke wena
Ba dule ba re: “Jehofa ke yo mogolo.”+
17 Eupša ke hloka thušo ebile ke a diila.
Jehofa, ke kgopela gore o ntlhokomele.