Hosea
O re gobaditše eupša o tla re bofa dintho.
2 O tla re fa maatla gape ka morago ga matšatši a mabedi.
Ka letšatši la boraro o tla re emiša
Gomme re tla phela gape pele ga gagwe.
3 Re tla tseba Jehofa, re tla katanela go mo tseba kudu.
Re kgodišegile gore o tla tla go rena go etša ge letšatši le hlaba mesong.
O tla tla go rena go swana le pula yeo e tšhologago,
Go swana le pula ya seruthwane yeo e kolobišago lefase.”
4 “Ke go dire eng wena Efuraime?
Ke go dire eng wena Juda?
Ka gobane lerato la gago* le swana le maru a mesong,
Le go swana le phoka yeo e hwelelago ka pela.
5 Ke ka baka leo ke tlago go go otla ke diriša baporofeta.+
Ke tla go bolaya ka mantšu ao a tšwago molomong wa ka.+
Dikahlolo tšeo di tlago go go tlela di tla phadima bjalo ka seetša.+
6 Ke kgahlwa ke lerato la nnete* e sego sehlabelo.
Ebile ke kgahlwa ke ge le tseba Modimo go e na le go fiša dibego tše di feletšego.+
7 Eupša batho ba ka ba tshetše kgwerano ya ka go swana le batho bao ba dirago sebe.+
Ba nthadiile ba le nageng ya bona.
9 Baperisita ba swana le dihlopha tša disenyi tšeo di lalelago batho.
Ba ema ka thoko ga tsela kgauswi le Shikeme+ gomme ba bolaya batho.
Dilo tšeo ba di dirago di leša dihlong.
10 Ke bone selo se se šiišago ntlong ya Isiraele.