Psalme

143 Ekwa thapelo ya ka, hle Jehofa.+

Ntheetše ge ke kgopela gore o nthuše.

 2 O se ntshekiše nna mohlanka wa gago,

Ka gobane ga go na motho yo a se nago molato pele ga gago.+

 3 Lenaba le a nkitimiša,

Le a nkgatelela ebile le a mphenya.

 4 Ke feletšwe ke maatla,+

Pelo ya ka e hwile bogatšu.+

 5 Ke gopola mehla ya kgale,

Ke naganišiša ka dilo ka moka tšeo o di dirilego,+

Ke naganišiša ka mediro ya diatla tša gago.

 6 Ke go rapela ke phurolotše diatla tša ka.

Ke go letetše go swana le naga yeo e omilego ge e letetše pula.+ (Selah)

 7 Nkarabe ka pela, hle Jehofa.+

Ke felelwa ke maatla.+

O se mphuralele,+

Go sego bjalo ke tla swana le batho bao ba theogelago lebitleng.+

 8 Mpontšhe lerato la gago le le botegago mesong,

Ka gobane ke tshepile wena.

Mpontšhe tsela yeo ke swanetšego go sepela ka yona+

Ka gobane ke ithekgile ka wena.

10 Nthute go dira thato ya gago,+

Ka gobane o Modimo wa ka.

Wena o lokile,

Anke moya wa gago o ntshepediše tseleng ya baloki.

12 Fediša manaba a ka ka baka la lerato la gago le le botegago.+

Fediša bohle bao ba ntlaišago,+

Ka gobane ke mohlanka wa gago.+