Mika
6 Ekwang seo Jehofa a se bolelago hle.
Emang le tle le seke pele ga dithaba,
Le gona anke meboto e kwe mantšu a lena.+
2 Lena dithaba le lena metheo ya lefase,+
Ekwang seo Jehofa a se bolelago,
Jehofa o sekiša batho ba gagwe,
Ebile o tlo bolela a elwa le Isiraele, a re:+
3 “Lena batho ba ka, ke le dirileng?
Ke le lapišitše ka eng?+
Neang bohlatse bja go ntatofatša.
4 Ke nna ke le ntšhitšego nageng ya Egepeta,+
Ka le lokolla mo le bego le le makgoba,+
Ke ile ka roma Moshe, Arone le Miriamo gore ba le thuše.+
5 Lena batho ba ka, na le sa gopola seo Kgoši Balaka wa Moaba a bego a rera go se dira,+
Le gore Bileama morwa wa Beoro o mo arabile bjang?+
Gopolang dilo tšeo di diregilego go tloga Shithima+ go fihla Giligala,+
E le gore le tsebe gore nna Jehofa ke dira dilo tše di lokilego.”
6 Ke tla ya ke swere eng pele ga Jehofa?
Ke tla khunamela Modimo yo a lego legodimong ka eng?
Na ke tla tla ke swere dibego tše di feletšego tša go fišwa,
Le dinamane tša ngwaga o tee?+
Na nka neela morwa wa ka wa leitšibulo ka baka la phošo ya ka?
Na nka neela ngwanaka ka baka la sebe sa ka?+
8 Modimo o go boditše se sebotse.
Ke eng seo Jehofa a nyakago o se dira?*
O nyaka feela gore o bontšhe toka,+ o rate go tshepega,*+
Ebile o be le boikokobetšo*+ ge o sepela le Modimo wa gago.+
Ba bohlale ba tla boifa leina la gagwe.*
10 Na ka ntlong ya motho yo mobe go sa na le dilo tše bohlokwa tšeo a di hweditšego ka go dira bobe,
Le selo sa go se kale gabotse seo se šišimišago Modimo?
11 Na ke tla ba yo a hlwekilego boitshwarong mola ke šomiša dikala tša go hlalefetša batho,
Ebile ke diriša lesaka leo le nago le maswika gore ke hlalefetše batho ge ke kala?+
12 Bahumi ba gona ba tletše bošoro,
Badudi ba gona ba bolela maaka,+
Leleme la bona le tletše ka maaka.+
O tla tloša dilo eupša o ka se kgone go di šireletša,
Gomme tšeo o tla kgonago go di tšea ke tla dira gore manaba a gago a di senye.
15 O tla bjala peu, eupša o ka se bune.
O tla gatakela dienywa tša mohlware, eupša o ka se diriše makhura a wona.
O tla dira beine e bose, eupša o ka se e nwe.+