Psalme
Thapelo ya Dafida.
86 Wena Jehofa, hle ntheetše gomme o arabe thapelo ya ka,
Ka gobane ke tshwenyegile ebile ke a diila.+
2 Ntšhireletše ka gobane ke a botega,+
Ka ge o le Modimo wa ka,+
Mphološe nna mohlanka wa gago, ka gobane ke go tshepile.
4 Dira gore nna mohlanka wa gago ke thabe,
Ka gobane ke ithekgile ka wena Jehofa.
5 Wena Jehofa o lokile+ ebile o dula o ikemišeditše go lebalela.+
Le gona o bontšha gore o rata* batho ka moka bao ba go bitšago.+
8 Wena Jehofa, ga go na yo a swanago le wena gare ga medimo,+
Ebile ga go na yo a dirilego mediro ya go swana le ya gago.+
9 Ditšhaba ka moka tšeo o di dirilego di tla tla
Tša go khunamela, wena Jehofa,+
Gomme di tla tumiša leina la gago.+
11 Nthute ditsela tša gago, hle Jehofa.+
E le gore ke sepele therešong ya gago.+
Ntire gore ke boife leina la gago ka pelo ka moka.+
12 Wena Jehofa Modimo wa ka, ke go reta ka pelo ya ka ka moka,+
Ebile ke tla tumiša leina la gago go ya go ile,
13 Ka gobane o mpontšhitše lerato la gago le le botegago,
14 Wena Modimo, banna bao ba ikgogomošago ba lwa le nna.+
Banna ba sehlogo ba nyaka go mpolaya,
Ebile ga ba na taba le wena.+
15 Eupša wena Jehofa, o Modimo yo a nago le kgaugelo le yo a šokelago,
Ga o galefe ka pela, o na le lerato le legolo* ebile o a tshepega.+
16 Nkamogele gomme o nkwele bohloko.+
Mphe maatla gomme o mphološe,+
Ka gobane ke go hlankela go swana le ge mma a go hlanketše.
17 Dira gore bao ba ntlhoilego ba bone gore o a nthata
Gomme o dire gore ba lewe ke dihlong,
Ka gobane wena Jehofa o a nthuša ebile o a nkhomotša.