Psalme

119 Go thaba bao ba botegago*

Le bao ba kwago molao wa Jehofa.+

 2 Go thaba bao ba kwago dikgopotšo tša gagwe+

Le bao ba lekago ka thata go tsoma tlhahlo ya gagwe.+

 3 Ba itlwaetša go dira dilo tše di lokilego

Ebile ba sepela ditseleng tša gagwe.+

 4 Wena o laetše gore ditaelo tša gago

Di latelwe ka kelohloko.+

 5 Ke duma eka nka dula ke go botegela+

Gore ke kwe melao ya gago.

 6 Gona nka se lewe ke dihlong+

Ge ke latela ditaelo tša gago ka moka.

 7 Ke tla go reta ka pelo e lokilego

Ge ke ithuta dikahlolo tša gago tša go loka.

11 Ke bea dilo tšeo o di bolelago pelong ya ka,+

E le gore ke se go direle sebe.+

12 Anke o retwe wena Jehofa.

Nthute ditaelo tša gago.

13 Ke bolela ka ditaelo ka moka

Tšeo o di boletšego.

14 Ke thabela dikgopotšo tša gago+

Go feta dilo ka moka tše bohlokwa.+

15 Ke tla naganišiša* ka ditaelo tša gago,+

Ka ba ka naganišiša ka ditsela tša gago.+

17 Ntshware ka botho nna mohlanka wa gago,

E le gore ke phele le gore ke boloke lentšu la gago.+

18 Bula mahlo a ka e le gore ke kgone go bona gabotse

Dilo tše di makatšago tšeo di tšwago molaong wa gago.

20 Ke dula ke hlologela

Dikahlolo tša gago.

21 O kgalemela batho bao ba ikgodišago,

Bao ba rogakilwego ka gobane ba tlogetše ditaelo tša gago.+

22 Dira gore ke se sa nyatšwa le go kwerwa

Ka gobane ke kwele dikgopotšo tša gago.

23 Le ge baetapele ba ka kgobokana gomme ba bolela ka nna gampe,

Nna mohlanka wa gago ke tla dula ke naganišiša ka ditaelo tša gago.

24 Ke rata ditaelo tša gago.+

Di swana le batho bao ba nkeletšago.+

26 Ke go boditše ditsela tša ka ka moka gomme wa nkaraba.

Nthute ditaelo tša gago.+

27 Ntire gore ke kwešiše ditsela tša gago,

E le gore ke naganišiše ka mediro ya gago e makatšago.+

29 Nthuše gore ke se ke ka bolela maaka,+

Gomme o mpontšhe botho ka go nthuta molao wa gago.

32 Ke tla latela ditaelo tša gago ka pelo ka moka,

Ka gobane o nthuša gore ke di kwešiše.*

33 Jehofa, hle nthute+ gore ke latele ditaelo tša gago,

Ebile ke tla di latela go fihla mafelelong.+

34 Ntire gore ke kwešiše,

E le gore ke kwe molao wa gago

Gomme ke o latele ka pelo ya ka ka moka.

35 Ntlhahle gore ke kwe melao* ya gago,+

Ka gobane e a nkgahla.

36 Nthuše gore ke rate dikgopotšo tša gago,

Eupša ke se be le megabaru.+

37 Nthuše gore ke pheme go lebelela dilo tšeo di se nago mohola.+

Ntire gore ke sepele tseleng ya gago e le gore ke dule ke phela.

38 Phetha seo o se tshepišitšego mohlanka wa gago

E le gore batho ba go boife.

39 Tloša dihlong tšeo di mpoifišago

Ka gobane dikahlolo tša gago di lokile.+

41 Hle Jehofa, anke o mpontšhe lerato la gago le le botegago,+

O be o mphološe go etša ge o ntshepišitše,+

42 E le gore ke arabe yo a nkwerago

Ka gobane ke tshepile lentšu la gago.

43 Nthuše gore ke dule ke bolela ka lentšu la gago leo e lego nnete

Ka gobane ke letetše kahlolo ya gago.

44 Ke tla dula ke latela molao wa gago

Go ya go ile.+

45 Ke tla sepela lefelong leo le šireletšegilego+

Ka gobane ke leka ka thata gore ke kwe melao ya gago.

46 Ke tla bolela ka melao ya gago pele ga dikgoši,

Ebile nka se hlabje ke dihlong.+

47 Ke rata ditaelo tša gago,

Ruri ke a di rata!+

48 Ke tla go rapela ke emišitše matsogo ka gobane ke rata melao ya gago.+

Ebile ke tla naganišiša ka melao ya gago.+

49 Gopola lentšu leo o le boditšego nna mohlanka wa gago,

Leo ke letetšego gore le phethagale go etša ge o ntshepišitše.

50 Lentšu le le a nkgothatša ge ke tlaletšwe,+

Ka gobane seo o se boletšego se dira gore ke tšwele pele ke phela.

51 Bao ba ikgogomošago ba nkwera gabohloko.

Eupša nna ga ke tlogele molao wa gago.+

52 Ke gopola dikahlolo tša gago tša go tloga kgale+ wena Jehofa,

Ebile di a nkgothatša.+

53 Ke galefile kudu ka baka la batho ba babe

Bao ba tlogelago molao wa gago.+

54 Kae le kae mo ke dulago gona,

Ditaelo tša gago di ba bjalo ka dikoša tša ka.

55 Bošego ke naganišiša ka leina la gago wena Jehofa,+

E le gore ke phethe molao wa gago.

56 Ke šetše ke tlwaetše go naganišiša

Ka gobane ke nyaka go kwa melao ya gago.

57 Wena Jehofa, o bjalo ka bohwa bja ka.+

Ke tshepišitše gore ke tla latela mantšu a gago.+

58 Ke go kgopela ka pelo ya ka ka moka,+

Mpontšhe botho+ go etša ge o ntshepišitše.

59 Ke hlahlobile ditsela tša ka,

E le gore ke boele ke kwe melao ya gago.+

60 Ke phakišetša go kwa ditaelo tša gago

Ntle le go senya nako.+

61 Batho ba babe ba mpeetše melaba,

Eupša ga ke lebale molao wa gago.+

62 Ke tsoga gare ga bošego gore ke go leboge+

Ka gobane dikahlolo tša gago di lokile.

63 Ke gwerana le bohle bao ba go boifago,

Le bao ba latelago melao ya gago.+

64 Wena Jehofa, lerato la gago le le botegago le bonagala lefaseng ka moka.+

Nthute ditaelo tša gago.

65 Wena Jehofa, o dirišane gabotse le nna mohlanka wa gago

Go etša ge o ntshepišitše.

66 Nthuše gore ke be le kwešišo le go ba le tsebo,+

Ka gobane ke tshepile ditaelo tša gago.

67 Ke ile ka dira diphošo gomme ka tlaišega ka baka la tšona,

Eupša gona bjale ke latela seo o se boletšego.+

69 Batho bao ba ikgogomošago ba mphara ka maaka.

Eupša nna ke latela melao ya gago ka pelo ya ka ka moka.

70 Dipelo tša bona di retetše.*+

Eupša nna ke rata molao wa gago.+

71 Ke mo gobotse gore ke ile ka tlaišega,+

E le gore ke ithute ditaelo tša gago.

72 Molao woo o o boletšego o ntshwanetše.+

O ntshwanetše go feta ditšhelete tše dikete tša gauta le tša silifera.+

Nthuše gore ke be le kwešišo,

E le gore ke ithute ditaelo tša gago.+

74 Bao ba go boifago ge ba mpona ba a thaba,

Ka gobane ke tshepile lentšu la gago.+

75 Wena Jehofa, ke a tseba gore dikahlolo tša gago di lokile,+

Le gore o ntaile ka gobane o botega.+

76 Anke lerato la gago le le botegago+ le nkhomotše

Go etša ge o tshepišitše nna mohlanka wa gago.

77 Anke o nkwele bohloko gore ke dule ke phela,+

Ka gobane ke rata molao wa gago.+

78 Anke batho bao ba ikgogomošago ba hlabje ke dihlong,

Ka gobane ba ntshwara gampe ntle le lebaka.

79 Anke bao ba go boifago ba boele go nna,

Bona bao ba tsebago melao ya gago.

80 Nthuše gore ke kwe melao ya gago ka pelo ya ka ka moka,+

E le gore ke se hlabje ke dihlong.+

81 Ke duma gore o tle o mphološe,+

Ka gobane ke tshepile lentšu la gago.

82 Ke letetše gore seo o se tshepišitšego se phethagale,+

Bjale ke ipotšiša gore: “O tla nkhomotša neng?”+

83 Ka gobane ke swana le lepotlelo la mokgopa leo le omišwago ke muši.

Eupša ga ke lebale melao ya gago.+

85 Go bjalo ka ge eka batho bao ba ikgogomošago ba nkepetše melete gore ke wele ka gare ga yona,

Bona bao ba sa kwego melao ya gago.

87 Go be go šetše ganyenyane gore ba mphediše lefaseng,

Eupša nna ga se ka tlogela melao ya gago.

88 Ka ge o na le lerato le le botegago, ntire gore ke dule ke phela,

E le gore ke dule ke ekwa melao yeo o mphilego yona.

89 Wena Jehofa, lentšu la gago le tla dula le le gona go ya go ile

Go swana le magodimo.+

91 Ka baka la taelo ya gago, dilo tšeo o di bopilego di sa le gona go fihla le lehono,

Ka gobane ka moka ga tšona di a go hlankela.

92 Ge nkabe ke be ke sa rate molao wa gago,

Gona nkabe ke fedišitšwe ke tlaišego ya ka.+

93 Nka se tsoge ke tlogetše ditaelo tša gago,

Ka gobane o dirile gore ke dule ke phela ka baka la tšona.+

94 Ke nna wa gago. Hle mphološe,+

Ka gobane ke leka ka thata go kwa melao ya gago.+

95 Ba babe ba ntaletše gore ba mpolaye,

Eupša nna ke dula ke naganišiša ka ditaelo tša gago.

96 Ke bone dilo tše dintši tšeo di phethagetšego,

Eupša melao ya gago e di phala ka moka.

98 Molao wa gago o dira gore ke hlalefe go feta manaba a ka,+

Ka gobane o dula o ntlhahla.

99 Ke hlalefile kudu go feta bohle bao ba nthutago,+

Ka gobane ke naganišiša ka dikgopotšo tša gago.

100 Ke dira dilo ka bohlale go feta banna ba bagolo,

Ka gobane ke latela ditaelo tša gago.

101 Ke gana go sepela tseleng le ge e le efe e mpe,+

E le gore ke dule ke ekwa lentšu la gago.

102 Ga ke tlogele go latela melao ya gago,

Ka gobane ke wena o nthutilego.

103 Dipolelo tša gago di bose kudu lelemeng la ka,

Go feta mamapo a dinose!+

105 Lentšu la gago le swana le lebone leo le mpontšhago mo ke gatago gona,

Le seetša seo se bonegago tsela ya ka.+

106 Ke dirile keno ya gore ke tla kwa melao ya gago,

Ebile ke tla e phetha.

108 Wena Jehofa, ke kgopela o amogele dihlabelo tša ka tša go go tumiša, tšeo ke go direlago ka boithaopo,+

Gomme o nthute melao ya gago.+

109 Bophelo bja ka bo dula bo le kotsing,

Eupša ga se ka lebala molao wa gago.+

110 Go bjalo ka ge eka batho ba babe ba mpeetše molaba,

Eupša nna ga se ka tlogela go kwa melao ya gago.+

111 Ke tla dula ke tšeela dikgopotšo tša gago godimo,

Ka gobane di nthabiša pelo.+

112 Ke ikemišeditše go latela ditaelo tša gago ka dinako tšohle,

Ke tla dula ke di kwa bophelo bja ka ka moka.

113 Ke hloile bao ba sa go botegelego ka pelo ka moka,+

Eupša ke rata molao wa gago.+

114 O lefelo leo ke tšhabelago go lona le kotse ya ka+

Ka gobane ke tshepile lentšu la gago.*+

115 Tlogang go nna lena batho ba babe,+

E le gore ke latele ditaelo tša Modimo wa ka.

116 Wena Modimo, nthekge ka ge o ntshepišitše,+

E le gore ke dule ke phela.

Ke tshepile wena, ka gona o se dumelele gore ke hlabišwe dihlong.+

117 Nthekge gore ke phološwe.+

Ka go realo, ke tla dula ke nagana ka ditaelo tša gago.+

118 Ga o amogele bao ba tlogelago ditaelo tša gago,+

Ka gobane ba na le maaka ebile ba tletše bofora.

120 Ke go boifa moo e lego gore mmele wa ka o a thothomela,

Ebile dikahlolo tša gago di a ntšhoša.

122 Kgonthišetša gore dilo di ntshepelela gabotse nna mohlanka wa gago.

Anke batho bao ba ikgogomošago ba se nkgatelele.

123 Ke* lapišitšwe ke go hlwa ke go letetše gore o mphološe+

Le gore o phethagatše tshepišo ya gago ya go loka.+

124 Bontšha nna mohlanka wa gago lerato le le botegago,+

Gomme o nthute ditaelo tša gago.+

125 Ke nna mohlanka wa gago. Mphe bohlale+

E le gore ke kgone go kwešiša dikgopotšo tša gago.

126 Nako ya gore wena Jehofa o gate mogato e fihlile,+

Ka gobane ba robile molao wa gago.

127 Ke ka baka leo ke ratago melao ya gago

Go feta gauta, gaešita le go feta gauta yeo e sego ya tswakwa le selo.+

128 Ka gona ke bona ditaelo tša gago ka moka di lokile.+

Ke hloile tsela e nngwe le e nngwe e fošagetšego.+

130 Ge mantšu a gago a hlaloswa, batho ba ba le tsebo,+

Ebile a dira gore batho bao ba sa tsebego selo ba kwešiše.+

131 Ga ke kgone go hema gabotse,

Ka gobane ke hlologetše go kwa melao ya gago.+

132 Nagana ka nna gomme o mpontšhe botho,+

Ka ge o dula o dira bjalo go bao ba ratago leina la gago.*+

133 Ntlhahle ka dipolelo tša gago e le gore ke sepele tseleng yeo e šireletšegilego,

O se ke wa ntumelela ke laolwa ke dilo tše mpe.+

134 Mphološe go batho bao ba nkgatelelago,

Gomme ke tla latela ditaelo tša gago.

135 Bontšha nna mohlanka wa gago gore o a nkamogela,*+

Gomme o nthute melao ya gago.

136 Mahlo a ka a elela megokgo bjalo ka noka

Ka gobane batho ga ba latele molao wa gago.+

137 Wena Jehofa o lokile,+

Le dikahlolo tša gago di lokile.+

138 Melao ya gago e* lokile

Ebile re ka dula re ithekga ka yona.

139 Ke fišegela go dira thato ya gago tše e kego ke fišwa ke mollo ka gare ga ka.+

Ka gobane manaba a ka ga a na taba le molao wa gago.

140 Nna mohlanka wa gago ke rata dipolelo tša gago,+

Ka gobane di sekile kudu.+

141 Ke tšewa ke se selo ebile ke nyatšega,+

Eupša ditaelo tša gago ga se ka di lebala.

142 Mediro ya gago ya go loka ke ya go ya go ile,+

Gomme molao wa gago ke wa nnete.+

143 Le ge ke wetšwe ke mathata ebile ke tlaletšwe,

Ke tla dula ke rata melao ya gago.

147 Ke tsogile ka masa e le gore ke kgopele gore o nthuše,+

Ka gobane ke tshepile mantšu a gago.*

148 Ke tsogile gare ga bošego,

E le gore ke naganišiše ka dipolelo tša gago.+

150 Bao ba itshwerego ka tsela yeo e lešago dihlong ba batametše kgauswi le nna,

Ba gana molao wa gago.

151 Wena Jehofa o kgauswi le nna,+

Gomme melao ya gago ka moka e a tshepega.+

152 Ke ithutile melao ya gago go tloga kgale,

E lego melao* yeo o e beilego gore e be gona go ya go ile.+

153 Bona kamoo ke hlakago ka gona gomme o mphološe,+

Ka gobane ga se ka lebala molao wa gago.

154 Ntwele tshekong gomme o mphološe,+

Ntire gore ke phele go etša ge o ntshepišitše.

155 Ba babe ba ka se phološwe

Ka gobane ga se ba latela melao ya gago.+

157 Batho bao ba ntlaišago le manaba a ka ke ba bantši,+

Eupša nna ga se ka tlogela go kwa dikgopotšo tša gago.

158 Ke hloile bao ba dirago dilo tša boradia,

Ka gobane ga ba latele dilo tšeo o di boletšego.+

160 Dilo ka moka tšeo o di boletšego ke nnete,+

Ebile dikahlolo tša gago tša go loka di dula di le gona go ya go ile.

161 Baetapele ba ntlaiša+ ntle le lebaka,

Eupša ke dula ke boifa mantšu a gago.+

162 Ke thabela dilo tšeo o di boletšego+

Go swana le motho yo a hweditšego mahumo a mantši.

163 Ke tloga ke hloile maaka,+

Eupša ke rata molao wa gago.+

164 Ke go tumiša gašupa ka letšatši

Ka gobane dikahlolo tša gago di lokile.

165 Bao ba ratago molao wa gago ba na le khutšo e ntši,+

Ebile ga go na seo se ka dirago gore ba kgopše.

166 Wena Jehofa, ke holofetše go phološwa ke wena,

Ebile ke latela melao ya gago.

167 Ke boloka ditaelo tša gago,

Ebile ke di rata kudu.+

168 Ke kwa melao ya gago le dikgopotšo tša gago,

Ka gobane wena o bona dilo ka moka tšeo ke di dirago.+

171 Ke tla dula ke go reta,+

Ka gobane o nthuta melao ya gago.

172 Ke tla opela ka dilo tšeo o di boletšego,+

Ka gobane melao ya gago ka moka e lokile.

173 Anke o nthuše+

Ka gobane ke kgethile go kwa ditaelo tša gago.+

174 Wena Jehofa, ke hlologetše go phološwa ke wena,

Ebile ke rata molao wa gago.+

175 Anke ke dule ke phela e le gore ke go tumiše.+

Eka dikahlolo tša gago di ka nthuša.

176 Ke ralala bjalo ka nku yeo e timetšego.+ Hle, ntsome nna mohlanka wa gago,

Ka gobane ga se ka lebala ditaelo tša gago.+