Diema
8 Bohlale bo dula bo goeletša,
Gomme temogo e dula e hlaboša lentšu la yona.+
3 Bo goeletša bo le kgauswi le dikeiti tšeo di tsenago motseng,
Moo go tsenwago gona.
Bo goeletša ka lentšu la godimo+ bo re:
4 “Lena batho, ke a le bitša,
Ke bolela le lena ka moka.
5 Lena bao le se nago tsebo, ithuteng go ba le temogo.+
Lena ditlaela, lekang ka thata gore le be le kwešišo.*
6 Theetšang, ka gobane dilo tšeo ke di bolelago di bohlokwa.
Molomo wa ka o bolela dilo tša go loka.
7 Molomo wa ka o bolela nnete,
Ebile o hloile maaka.
8 Dilo ka moka tšeo ke di bolelago ke tša go loka.
Ga go na tšeo di raranego goba tšeo di kgopamego.
9 Ka moka ga tšona di kwešišega gabonolo go yoo a nago le temogo,
Ebile di lokile go yoo a nago le tsebo.
10 Amogelang tayo ya ka go e na le silifera,
Gomme le amogele tsebo go e na le gauta e botse.+
11 Ka gobane bohlale bo phala maswika a bohlokwa a ka lewatleng,
Ebile dilo tše dingwe ka moka tše bohlokwa di ka se bapišwe le bjona.
13 Ge e ba o boifa Jehofa, o tla hloya se sebe.+
Ke hloile batho bao ba ikgodišago, bao ba ikgantšhago,+ bao ba dirago dilo tše mpe le bao ba bolelago maaka.+
15 Dikgoši di thušwa ke nna gore di kgone go buša,
Gomme baetapele ba thušwa ke nna gore ba kgone go bea melao ya go loka.+
16 Babuši ba thušwa ke nna gore ba dule ba buša,
Gomme batho ba maemo a godimo ba thušwa ke nna gore ba ahlole ka go loka.
18 Ke humile ebile ke na le letago.
Ke na le mahumo ao a sa felego ebile ke lokile.
19 Seo o se hwetšago go nna se phala gauta le gauta yeo e sekišitšwego.
Le gona dimpho tšeo o di hwetšago go nna di phala silifera e botse.+
20 Ke sepela tseleng ya go loka
Ebile ke dula ke dira dilo tša toka.
21 Ke fa bao ba nthatago mahumo,
Ebile ke tlatša dintlo tša bona tšeo ba bolokelago dilo ka go tšona.
23 O mphile boemo bjo bo hlomphegago go tloga kgalekgale,+
Go tloga mathomong, le pele lefase le ka ba gona.+
25 Ke belegwe pele ga ge go ka ba le dithaba,
Ebile ke belegwe pele ga ge go ka ba le meboto,
26 Pele ga ge Modimo a ka bopa lefase le dinaga tša lona,
Le pele ga ge go ka ba le lerole la mathomo lefaseng.
27 Ke be ke le gona ge a be a bopa magodimo,+
Le ge a be a thala mollwane magareng ga lefaufau le lewatle.+
28 Ge a be a bea maru kua godimo,
Ge a be a dira gore mawatle a be le meetse a mantši,
29 Ge a be a beela lewatle mellwane
Ya gore meetse a lona a se tshele taelo ya gagwe,+
Ge a be a thea metheo ya lefase,
30 Ke be ke le kgauswi le yena ke le mošomi yo a nago le bokgoni.+
Ke be ke mo thabiša+ letšatši le lengwe le le lengwe
Ebile ke dula ke thabile pele ga gagwe ka mehla.+
31 Ke be ke thabela lefase leo a le diretšego gore le dulwe ke batho,
Ebile ke be ke kgahlwa kudu ke batho.
32 Bjale lena barwa ba ka, ntheetšeng.
Go thaba bao ba kwago mantšu a ka.