Diema
23 Ge o dutše le kgoši gore o je le yona,
O ele hloko dilo tšeo di lego pele ga gago.
2 Itshware
Ge e ba o eja kudu.
3 O se ke wa duma dijo tša kgoši tše dibose,
E le gore di se be molaba go wena.
4 O se ke wa itapišetša go hwetša lehumo,+
Tlogela go dira seo gomme o bontšhe bohlale.*
5 Ge o sa re o le lebeletše, o tla no makala le se gona.+
Ka gobane le tla phurolla maphego go swana le ntšhu gomme la fofela magodimong.+
6 O se ke wa ja dijo tša motho yo a timanago,
Ebile o se ke wa duma dijo tša gagwe tše dibose.
7 Ka gobane o swana le motho yo a go lebeletšego gore o ja dijo tše di kaakang.
O re go wena: “Eja o be o nwe,” eupša a sa bolele ka pelo ya gagwe ka moka.
8 O tla hlatša dijo tšeo o di jelego,
Gomme mantšu a gago a go reta e tla ba a lefeela.
12 Dira gore pelo ya gago e amogele tayo,
Gomme tsebe ya gago e kwe mantšu a bohlale.
13 O se ke wa tlogela go laya ngwana wa gago,+
Le ge o ka mo itia ka thupa a ka se hwe.
16 Ge molomo wa gago o ka bolela se se lokilego,
Ke tla thaba kudu.
17 O se ke wa jela badiradibe mona,+
Eupša o boife Jehofa ka dinako ka moka.+
18 Ge o ka dira bjalo o tla ba le bokamoso bjo bobotse,+
Gomme o ka se felelwe ke kholofelo.
19 Wena morwa wa ka, theetša gomme o be bohlale.
Le gona, hlahla pelo ya gago e le gore o kgone go dira dilo tše dibotse.
20 O se ke wa ba gare ga batho bao ba nwago beine kudu,+
Le bao ba jago nama ka megabaru.+
21 Ka gobane motho wa setagwa le wa sejagobe ba tla diila,+
Le gona ka ge ba rata boroko ba tla apara diaparo tša maratha.
24 Tate yoo morwa wa gagwe e lego moloki o tla thaba.
Ruri o tla thaba ge e ba morwa wa gagwe a le bohlale!
25 Tatago le mmago ba tla thaba,
Gomme mmago yo a go belegego o tla thaba.
27 Mogwebakammele ke molete wo o išago,
Gomme mosadi wa go hloka boitshwaro* o swana le sediba se se sesane.+
28 O dula a laletše batho go swana le motho wa go swara poo.+
O oketša palo ya banna bao ba sa tshepegego.
29 Ke mang yo a nago le madimabe? Ke mang yo a sa dudišegego?
Ke mang yo a ratago dingangišano? Ke mang yo a nago le dipelaelo?
Ke mang yo a tšwilego dintho ka ntle le lebaka? Ke mang yo mahlo a gagwe a sa bonego gabotse?
30 Ke bao ba dulelago go nwa beine nako e telele,+
Bao ba tšamago ba nyakana le beine yeo e tswakilwego.
31 O se ke wa lebelela mmala o mokhwibidu wa beine
Ge e phadima ka komiking, le ge e bonagala e le bose ge e nwewa.
32 Ka gore mafelelong e loma go swana le noga,
Ebile e swana le mpholo wa marabe.
33 Mahlo a gago a tla bona dilo tša go se be gona,
Gomme pelo ya gago e tla bolela dilo tšeo di tšwilego tseleng.+
34 Le gona o tla swana le motho yoo a robetšego gare ga lewatle,
Le yoo a robetšego godimo ga kota yeo e swarago seila ya sekepe.
35 O tla re: “Ba nteile eupša ga se ka kwa selo.
Ba mpethile, eupša ga ke gopole ke bethwa.
Ke tla tsoga neng+
Gore ke yo nwa gape?”