Dillo tša Jeremia
א [Aleph ]
2 Bonang kamoo Jehofa a khupeditšego morwedi wa Tsione ka bogale bja gagwe bjalo ka ge eka ke ka leru!
O lahletše bobotse bja Isiraele lefaseng bo etšwa legodimong.+
Ga se a gopola bogato bja dinao tša gagwe+ letšatšing leo a bego a galefile.
ב [Beth ]
2 Jehofa o phušotše mafelo ka moka a bodulo a Jakobo ebile ga se a tlogela le letee la ona.
O wišitše mafelo a šireletšegilego a morwedi wa Juda a galefile.+
O wišeditše mmušo+ le baetapele ba wona fase.+
ג [Gimel ]
3 O fedišitše maatla ka moka a Isiraele a galefile kudu.
Ga se a re thuša ge lenaba le be le re hlasela.+
Le gona, o ile a dula a galefetše Jakobo go swana le mollo wo o tšhumago dilo ka moka tšeo di lego kgauswi le wona.+
ד [Daleth ]
4 O ngangile bora bja gagwe bjalo ka lenaba. Seatla sa gagwe sa le letona se ikemišeditše go lwa go etša lenaba,+
O duletše go bolaya bohle bao ba lego bohlokwa go rena.+
Le gona, o tšholletše pefelo ya gagwe bjalo ka mollo+ tenteng ya morwedi wa Tsione.+
ה [He]
O sentše ditora tša yona ka moka.
O sentše mafelo a yona ao a šireletšegilego.
O dirile gore morwedi wa Juda a nyame, a be a lle gabohloko.
ו [Waw]
6 O sentše mošaša wa gagwe+ bjalo ka ge eka o senya moriti wo o dirilwego mašemong.
O fedišitše monyanya wa gagwe.+
Jehofa o dirile gore Tsione go lebalwe monyanya le sabatha,
Ge a galefile, ga a sa iša felo ka kgoši le moperisita.+
ז [Zayin]
O dumeletše manaba gore a senye maboto a ditora tša Tsione.+
Manaba a hlabile mokgoši ntlong ya Jehofa+ go etša letšatšing la monyanya.
ח [Heth ]
8 Jehofa o ikemišeditše go senya leboto la motse wa Tsione.+
O ngangile thapo ya go meta motse.+
Ga se a lesa go o senya.
O dira gore maboto le maboto a tšhireletšo a lle.
Gwa ba bjalo ka ge eka ga a sa na maatla.
ט [Teth ]
9 Dikeiti tša Tsione di sobeletše fase lefaseng.+
Modimo o robagantše dikota tša yona.
Kgoši le baetapele ba yona ba ile bothopša dinageng tše dingwe.+
Ga go na yo a latelago molao. Le baporofeta ga ba sa bona dipono tše di tšwago go Jehofa.+
י [Yod ]
10 Banna ba bagolo ba Tsione ba dutše fase ba ikhomoletše.+
Ba itšhela lerole dihlogong ebile ba apere masaka.+
Dikgarebe tša Jerusalema di inamišeditše dihlogo tša tšona fase.
כ [Kaph ]
11 Mahlo a ka a lapišitšwe ke go lla,+
Ebile ke longwa ke mala.
Sebete sa ka se wetše fase ka baka la go wa ga morwedi wa batho ba gešo,+
Le ka baka la masea le bana bao ba idibalago mebarakeng ya motse.+
ל [Lamed ]
12 Ba duletše go botšiša bommago bona ba re, “Mabele le beine di kae?”+
Ka ge ba idibala go etša motho yo a gobaditšwego mebarakeng ya motse,
Ka ge ba hwela diatleng tša bommago bona.
מ [Mem]
13 Nka go nea bohlatse bofe?
Goba nka go swantšha le eng wena morwedi wa Jerusalema?
Nka go bapiša le mang gore ke go homotše wena morwedi wa Tsione?
Ka gobane go wa ga gago ke mo gogolo go etša bogolo bja lewatle.+ Ke mang yo a ka go fodišago?+
נ [Nun]
14 Dipono tšeo baporofeta ba gago ba di bonego ke tša maaka le tša go hloka mohola,+
Ga se ba utolla diphošo tša gago e le gore o se ke wa išwa bothopša,+
Eupša ba duletše go go botša dipono tša maaka le tša go go timetša.+
ס [Samekh]
15 Ge bao ba fetago ka tsela ba go bona, ba betha matsogo ka mokgwa wa go kwera.+
Ge ba bona morwedi wa Tsione ba letša melodi,+ ba kgotsa gomme ba šikinya dihlogo ba re:
“Na wo ke motse wo ba bego ba bolela ka wona ba re, ‘O botse kudu, ebile o thabelwa ke badudi ka moka ba mo lefaseng’?”+
פ [Pe]
16 Manaba a gago ka moka a a go kwera.
A letša melodi ebile a go kwera a kwatile, gomme a re, “Re mo fedišitše.+
Le ke letšatši leo re bego re le letetše!+ Le fihlile, ebile re le bone!”+
ע [Ayin]
17 Jehofa o dirile seo a bego a se naganne.+ O phethile seo a se boletšego,+
E lego seo a se laetšego go tloga kgale.+
O go fedišitše a sa go šokele.+
O dirile gore lenaba la gago le go fenye gomme le thabe. O okeditše maatla a manaba a gago.
צ [Tsade]
18 Wena morwedi wa Tsione, batho ba gago ba llela Jehofa ka dipelo tša bona ka moka.
Megokgo ya gago a e elele bošego le mosegare go swana le noka.
Lla go fihlela o ehwa bogatšu. Mahlo a gago a se ke a khutša go lla.
ק [Qoph ]
19 Tsoga gomme o lle bošego ka moka.
Tšhollela Jehofa seo se lego pelong ya gago bjalo ka meetse.
Emišetša matsogo a gago godimo gomme o rapelele bana ba gago,*
Bao ba idibalago ka baka la tlala magahlanong a ditsela.+
ר [Resh ]
20 Wena Jehofa, bona batho ba gago bao o ba otlilego ga sehlogo.
Na basadi ba swanetše go dulela go ja bana ba bona bao ba belegwego ba phetše gabotse?+
Goba na baperisita le baporofeta ba swanetše go bolawa tempeleng ya gago wena Jehofa?+
ש [Shin]
21 Mošemane le mokgalabje ba rapaletše diterateng ba hwile.+
Dikgarebe tša ka le masogana a ka ba bolailwe ka sabola.+
O ba bolaile letšatšing leo o bego o galefile. O ba bolaile o sa ba šokele.+
ת [Taw]
22 O biditše manaba a ka go tšwa dikarolong ka moka, bjale ka ge eka o bitša batho gore ba tle monyanyeng.+