Bagalatia

3 Lena Bagalatia bao ba se nago tlhaologanyo, ke mang yo a le hlohleleditšego gore le dire dilo tšeo di sa lokago,+ le ge le ile la hlalosetšwa gabotse la ba la kwešiša gore ke ka baka la eng Jesu Kriste a ile a kokotelwa koteng?+ 2 Ke nyaka go le botšiša selo setee feela: Na le amogetše moya o mokgethwa ka baka la ge le latela Molao wa Moshe goba ka baka la gore le dumela dilo tšeo le di kwelego?+ 3 Na le tšea gabotse? Mathomong le be le tshepa moya o mokgethwa. Bjale na gona bjale le nyaka go tshepa dikgopolo tša batho?+ 4 Ga ke tshepe gore le ile la kgotlelela mathata a mantši gakaakaa ntle le lebaka. 5 Ka gona, na yo a le neago moya o mokgethwa le yo a dirago dilo tšeo di bontšhago gore o na le maatla+ gare ga lena, o dira bjalo ka ge le latela Molao wa Moshe goba ka baka la ge le dumela ditaba tše dibotse tšeo le di kwelego? 6 Naganang ka Aborahama, mangwalo a re: “O ile a ba le tumelo go Jehofa* gomme Modimo a mmona a lokile.”+

7 Le a tseba gore bao ba nago le tumelo ke bona e lego bana ba Aborahama.+ 8 Modimo o ile a bolela e sa le pele ka mangwalong gore o be a tla lebelela batho ba ditšhaba ba lokile ka gobane ba na le tumelo. O ile a botša Aborahama ditaba tše dibotse a re: “Ditšhaba ka moka tša lefase di tla šegofatšwa ka baka la gago.”+ 9 Bao ba nago le tumelo ba šegofatšwa gotee le Aborahama yo a bego a na le tumelo.+

10  Batho ka moka bao ba tshepilego Molao wa Moshe ba tla otlwa ka gobane mangwalo a re: “Batho ka moka bao ba sa kwego dilo ka moka tšeo di ngwadilwego Molaong ebile ba sa di dire, ba tla otlwa.”+ 11 Le gona, re tseba gabotse gore Modimo ga a lebelele motho a lokile feela ka gobane a ekwa Molao wa Moshe.+ Ka gobane mangwalo a re: “Moloki o tla phela ka baka la ge a na le tumelo.”+ 12 Bjale ga go hlokagale gore motho a be le tumelo e le gore a latele Molao wa Moshe. Eupša motho yo a dirago dilo tše di lokilego go ya ka Molao “o tla phela.”+ 13 Kriste o re rekile,+ a re lokolla+ gore re se sa rogakwa go ya ka Molao eupša go rogakwe yena, ka gobane mangwalo a re: “Motho yo mongwe le yo mongwe yo a fegilwego koteng o rogakilwe.”+ 14 Se se diragetše e le gore Modimo a šomiše Kriste Jesu+ gore batho ba ditšhaba ka moka ba tle ba hwetše ditšhegofatšo tšeo a di tshepišitšego Aborahama, le gore re tle re hwetše moya o mokgethwa wo Modimo a re tshepišitšego wona+ ka ge re na le tumelo.

15 Banabešo, naganang ka mohlala wo: Ge e ba go dirilwe kgwerano, ga go na yo a ka e fedišago goba a ka e oketšago, le ge e ka ba e dirilwe ke batho. 16 Bjale dilo tšeo Modimo a di tshepišitšego Aborahama o ile a di tshepiša yena le ngwana wa gagwe.*+ Lengwalo ga le re o di tshepišitše yena le “bana ba gagwe,”* bjalo ka ge eka go bolelwa ka batho ba bantši, eupša le re yena le “ngwana wa gagwe,” e lego Kriste.+ 17 Godimo ga moo ke re Molao wa Moshe wo o bilego gona ka morago ga mengwaga e 430+ ga o fediše kgwerano yeo Modimo a e dirilego kgale ebile ga o fediše dilo tšeo a di tshepišitšego. 18 Ge e ba Modimo a efa batho bohwa ka gobane ba ekwa Molao wa Moshe go ra gore o tla be a sa ba fe bjona ka gobane a ba tshepišitše.+

19 Bjale ke ka lebaka la eng Molao wa Moshe o ile wa ba gona? O ile wa ba gona e le gore dibe tšeo batho ba di dirago di bonagale gabotse+ go ba go fihlela ngwana yo Modimo a mo tshepišitšego Aborahama a fihla.+ Modimo o ile a fa barongwa+ Molao gomme bona ba o fetišetša go batho ba šomiša mmoelanyi.*+ 20 Ge kgwerano e dirilwe ke motho o tee, ga go hlokagale mmoelanyi. Ka gona, Modimo o dirile kgwerano ye a le tee. 21 Bjale na taba ye e ra gore Molao wa Moshe o ganetšana le dilo tše Modimo a di tshepišitšego? Aowa! Ka gobane ge eba batho ba filwe molao wo o bego o ka ba nea bophelo, gona go ra gore motho o be a tla lebelelwa a lokile ka gobane a ekwa molao. 22 Eupša Mangwalo a re batho ba laolwa ke sebe. Ka gona bao ba nago le tumelo ba ka newa dilo tše dibotse tšeo di tshepišitšwego bao ba nago le tumelo go Jesu Kriste.

23 Le ge go le bjalo, pele re e ba le tumelo go Kriste re be re laolwa ke Molao wa Moshe, re letetše seo Modimo a bego a tla re utollela sona.+ 24 Ka gona, Molao woo o ile wa re hlahla wa re iša go Kriste,+ gore re tle re lebelelwe re lokile ka ge re na le tumelo.+ 25 Eupša ka ge gona bjale re na le tumelo go Kriste,+ ga re sa hloka Molao woo gore o re hlahle.+

26 Ka moka ga lena le bana ba Modimo+ ka gobane le dumela go Kriste Jesu.+ 27 Ebile lena ka moka bao le kolobeditšwego gore le be boteeng le Kriste, le swana le Kriste.+ 28 Taba ya gore motho ke Mojuda goba Mogerika,+ mohlanka goba o lokologile,+ ke monna goba ke mosadi,+ ga e na mohola ka gobane ka moka ga lena le boteeng le Kriste Jesu.+ 29 Le gona, ge e ba le le barutiwa ba Kriste le bana ba Aborahama,+ ebile le tla hwetša bohwa+ bjo Modimo a mo tshepišitšego bjona.+