Psalme
PUKU YA BORARO
(Dipsalme 73-89)
Koša ya Asafa.+
73 Ruri Modimo o direla Baisiraele bao dipelo tša bona di hlwekilego, dilo tše dibotse.+
5 Ga ba be le mathata a go swana le a batho ba bangwe,+
Ebile ga ba tlaišege ka mokgwa wo batho ba bangwe ba tlaišegago ka gona.+
7 Difahlego tša bona di nonne* ebile mahlo a bona a sobeletše.
Ba na le dilo tše dintši go feta tšeo ba bego ba lora go ba le tšona.
8 Ba kwera ba bangwe ebile ba bolela dilo tše mpe.+
Ba ikgantšhetša ba bangwe ebile ba ba tšhošetša ka gore ba tla ba gatelela.+
9 Ba ikgantšha ka gobane ba ipotša gore ba phagametše batho ba bangwe tše e kego ke bona magodimo,
Ba itshepelela mo lefaseng ba bolela se sengwe le se sengwe seo ba se ratago.
10 Ka gona batho ba Modimo ba arogela go bona,
Ke moka ba nwa meetse a bona a mantši.
11 Ba re: “Go tla bjang gore Modimo a tsebe?+
Na ruri Modimo yo Godimodimo o tseba dilo ka moka?”
12 Ba babe ke bona ba, bao ba dulago ba iketlile.+
Ba dula ba oketša mahumo a bona.+
13 Ruri ke ga lefeela ge ke hlwekišitše pelo ya ka
Le ge ke hlapile diatla tša ka go bontšha gore ga ke na molato.+
15 Eupša ge nkabe ke be ke boletše dilo tše,
Ke be ke tla be ke radiile batho ba gagwe.
16 Ge ke be ke leka go kwešiša se,
Ke be ke tshwenyega,
17 Go ba go fihlela ke tsena ka sekgethweng se sekgethwa sa Modimo,
Gomme ka lemoga gore ba tlo feleletša kae.
18 Ruri wena o ba bea mo go thedimošago.+
O ba dira gore ba we gomme ba fedišwe.+
19 Ruri ba fedišwa ka ponyo ya leihlo!+
Ruri ba tlo tlaišega ba sa letela gomme ba hwa!
20 Wena Jehofa, o tla ba lebala
Go no swana le ge motho a tsoga a lebetše toro yeo a e lorilego,
22 Ke be ke sa kgone go nagana ebile ke sa kwešiše gore molato ke eng.
Go wena ke be ke le bjalo ka phoofolo yeo e se nago tlhaologanyo.
25 Ke mang yo mongwe kua magodimong yoo a ka nthušago ka ntle le wena?
Le gona ka ntle le wena, ga go na seo se nkgahlago mo lefaseng.+
26 Mmele wa ka le pelo ya ka di ka felelwa ke maatla,
Eupša Modimo o šireletša pelo ya ka, ke leswika la ka, ebile ke Modimo wa ka go ya go ile.+
27 Ruri bao ba dulelago kgole le wena, o tla ba fediša.
O tla fediša yo mongwe le yo mongwe yo a go tlogelago ka baka la go itshwara gampe.+
28 Eupša ge e le nna ke holwa ke go ba kgauswi le Modimo.+
Ke tšhabetše go Mmuši Morena Jehofa
Gore ke bolele ka mediro ya gagwe ka moka.+