“Tirelo E Kgolo Bathong”

“Le diretše batho tirelo e kgolo ka go gatiša puku ye. Ke e makatšago. Ke kgoboketšo ya maemo a godimo. E swanelwa ke go lebogwa.

“Botse bja puku ye ke gore e ahla-ahla sebopego se sengwe le se sengwe sa bodumedi, gomme ka go dira bjalo go ile gwa elwa hloko gore go se ke gwa swawa diphošo. Le šomile. Ruri le šomile.”

Ngaka yeo e tšwago Tiruchchirappalli, India, yeo e ngwadilego lengwalo le e be e šupa puku efe? Go Tsoma ga Batho Modimo, e lego kgoboketšo ya matlakala a 384 ya ditlogo le dithuto tša madumedi a magolo a lefase—Bohindu, Bobuddha, Botao, Boconfucius, Boshinto, Bojuda, Bokriste le Bomoseleme. Dikgaolo tša mafelelo di hlalosa go se dumele ga mehleng yeno le go boela go Modimo wa therešo. Go gatišitšwe dikopi tše fetago tše dimilione tše 16 tša puku ye ka maleme a 37.

Ngaka e be e badile kopi ye e e adimilwego. E ile ya inyakela ya yona. Ge e ba o tla rata go hwetša tsebišo e oketšegilego mabapi le kamoo o ka hwetšago puku ye e nago le diswantšho, hle ikopanye le Dihlatse tša Jehofa lefelong la geno goba o ngwalele atereseng ya kgaufsi e lokeleditšwego go letlakala 5 la makasine wo.