Seo se Bolelwago ke Thapelo

“Ka Sehebere, lentšu la motheo bakeng sa thapelo le tšwa modung wo o bolelago ‘go ahlola’, gomme sebopego se se tlwaelegilego sa lona seo se hlalosago . . . ge e le gabotse se bolela ‘go ikahlola a noši.’” Se ke seo se bolelwago ke The Authorised Daily Prayer Book. Kgopolo ke gore o mongwe wa merero ya thapelo ke gore e swanetše go thuša motho go bona ge e ba a kgona go fihlelela ditekanyetšo le melao e lokilego ya Modimo.

Ka lebaka le, Beibeleng ka moka re botšwa gore ka ntle le ge e ba motho a dira thato ya Modimo, dithapelo tša gagwe di ka se ke tša kwewa. “Morêna ó kxolê le ba babe; ó kwa dithapêlô tša baloki.”​—Diema 15:​29; 1 Johane 5:14.

Go itlhahloba ka pele ga Jehofa Modimo ruri go swanetše go dira gore motho yo a rapelago a be le boikokobetšo le boipoetšo. Se se nea matla a oketšegilego seswantšhong sa Jesu sa Mofarisei wa moikgantšhi le molekgetho yo a ipoeditšego bao ba bego ba tlile tempeleng go rapela.​—Luka 18:​9-14.

Ka gona, go sa šetšwe ge e ba re rapela Jehofa bakeng sa go mo leboga, go mo tumiša goba go mo kgopela se sengwe, thapelo ka mehla ke nako ya go itlhahloba. Ka tsela ye, thapelo e re batametša go Jehofa gomme e matlafatša tswalano ya rena le yena.