Seboka sa Ngwaga le Ngwaga October 7, 2000

SEBOKA SA NGWAGA LE NGWAGA sa ditho tša Watch Tower Bible and Tract Society of Pennsylvania se tla swarwa ka October 7, 2000, Holong ya Kopano ya Dihlatse tša Jehofa, 2932 Kennedy Boulevard, Jersey City, New Jersey. Seboka sa pele sa bao e lego ditho feela se tla swarwa ka 9:15 a.m. gomme sa latelwa ke seboka sa ngwaga le ngwaga sa kakaretšo ka 10:00 a.m.

Ditho tša lekgotla di swanetše go tsebiša Ofisi ya Mongwaledi gona bjale ka phetogo le ge e le efe ya diaterese tša bona tša go romela tša ngwageng o fetilego gore mangwalo a ka mehla a tsebišo le dikarata di tle di fihle go bona ka July.

Dikarata tšeo di tlago go romelwa go ditho gotee le tsebišo ya seboka sa ngwaga le ngwaga di swanetše go gomišwa gore di fihle Ofising ya Mongwaledi wa Mokgatlo e sego ka morago ga August 1. Setho se sengwe le se sengwe se swanetše go tlatša le go romela karata ya sona kapejana, se bontšhe ge e ba se tla ba gona sebokeng ka nama goba se ka se be gona. Tsebišo yeo e newago karateng e nngwe le e nngwe e swanetše go ba e kgonthišeditšwego tabeng ye, ka ge go tla ithekgwa ka yona go bona bao ba tlago go ba gona ka nama.

Go letetšwe gore lenaneo ka moka, go akaretša le seboka se se rulagantšwego sa kgwebo le dipego di tla phethwa ka 1:00 p.m. goba kapejana ka morago ga moo. Go ka se be le lenaneo la thapama. Ka baka la sekgoba se senyenyane, go tla tsenwa feela ka thekethe. Go ka se dirwe dithulaganyo tša go kgokaganya seboka sa ngwaga le ngwaga le diholo tše dingwe ka mogala.