Go Kaonefatša Bokgoni bja Rena Bodireding—Go Nea Bohlatse go Motho yo a Bolelago Leleme le Lengwe

Lebaka Leo go Lego Bohlokwa: Jehofa o tshwenyegile ka bomoya bja batho ba “setšhabeng se sengwe le se sengwe.” (Dit. 10:34, 35) Ka gona, Jesu o bontšhitše gore ditaba tše dibotse di tla bolelwa “lefaseng ka moka” le go “ditšhaba tšohle.” (Mat. 24:14) Sakaria o ile a porofeta gore batho ‘bao ba tšwago malemeng ka moka’ ba be ba tla arabela. (Sak. 8:23) Go ya ka pono ya moapostola Johane, bao ba phologago masetlapelo a magolo ba tla akaretša batho bao ba “tšwago ditšhabeng tšohle, melokong yohle, merafong yohle le malemeng ohle.” (Kut. 7:9, 13, 14) Go ya ka temana ye, ge re kopana le motho yo a bolelago leleme le lengwe tšhemong ya rena, re swanetše go leka go mo nea bohlatse.