LAEPRARI YA INTHANETENG

Go se Tšee Karolo Dilong tša Lefase go Bolela Eng?

O ka Thabela Bophelo go ya go Ile!—Ithute Beibele le Rena o tla Bona
- 2. Re ka bontšha bjang gore ga re tšee karolo dilong tša lefase?
  
  Re ekiša Jesu ka go se tšee karolo dipolotiking. Ka mohlala, ge batho ba be ba bona Jesu a dira mohlolo ba ile ba leka go mo dira kgoši ya bona, eupša Jesu ga se a ka a dumela ba mo dira kgoši. (Johane 6:15) Ke ka baka la’ng a ile a gana? Ke ka gobane ka moragonyana o ile a bolela gore: “Mmušo wa ka ga se karolo ya lefase le.” (Johane 18:36) Le rena ka ge re le barutiwa ba Jesu, go na le dilo tšeo re sa di dirego go bontšha gore ga re tšee karolo dilong tša lefase le. Ka mohlala, ga re ye dintweng. (Bala Mika 4:3.) Re hlompha maswao a naga a bjalo ka difolaga, eupša ga re a hlomphe ka tsela e feteletšego ka gobane go dira bjalo go no swana le ge re a rapela. (1 Johane 5:21) Le gona, ga re thekge mokgatlo le ge e le ofe wa dipolotiki goba go ganetšana le ona, e bile ga re ye dikgethong. Ge e ba re sa dire dilo tše le tše dingwe, re bontšha gore re tshepagalela Mmušo wa Modimo.

Go se Tšee Karolo Dilong tša Lefase go Bolela Eng?

O ka Thabela Bophelo go ya go Ile!—Ithute Beibele le Rena o tla Bona
- 4. O se ke wa tšea lehlakore ka pelong ya gago goba dilong tšeo o di dirago
  
  Balang 1 Johane 5:21. Ke moka le bapaleng BIDIO ye, gomme le boledišaneng ka dipotšišo tše di latelago:
  
  BIDIO: Lebaka Leo Bakriste ba Therešo ba Swanetšego go ba le Sebete—Go se Tšee Karolo Ditabeng tša Lefase (2:49)
  
  Bidiong ye, ke ka baka la’ng ngwanabo rena Ayenge a ile a kgetha go se tsenele mekgatlo ya dipolotiki goba go se tšee karolo meletlong ya dipolotiki e bjalo ka go hlompha folaga?
  
  Na o nagana gore o dirile phetho e botse?
  
  Ke maemong afe a mangwe ao o naganago gore go ka ba thata gore re se tšee karolo dilong tša lefase? Bapalang BIDIO ye, gomme le boledišaneng ka dipotšišo tše di latelago:
  
  BIDIO: Dithuto tše di Tšwago ka go Morokami—Dula o sa Tšee Lehlakore Ditabeng tša Lefaseng le Leo le Aroganego (5:16)
  
  Re ka bontšha bjang gore ga re tšee lehlakore dipapading ge go bapala dinaga tša go fapafapana?
  
  Re ka bontšha bjang gore ga re tšee lehlakore ge boradipolotiki ba tšere diphetho tšeo di re nyamišago goba tšeo di re holago?
  
  Dilo tšeo re di kwago ditabeng goba tšeo re di kwago go batho di ka dira bjang gore re feleletše re tšea lehlakore?
  
  Ke maemong afe ao Mokriste a swanetšego go dula a sa tšee lehlakore ka dilo tšeo a di naganago le tšeo a di dirago?

2. Re ka bontšha bjang gore ga re tšee karolo dilong tša lefase?

4. O se ke wa tšea lehlakore ka pelong ya gago goba dilong tšeo o di dirago