“O Swanetše go e Tlogela”

Ke kgale Beibele e lemošitše gore, “Khuduxang! lena ba sethšaba sa-ka.” Ba khuduge go eng? “Babele o moxolo, Mma xo diotswa le makxapha a lefase.” (Kut. 17:5; 18:4) Ke ka baka la’ng ba swanetše go tšwa Babele? “Xobane dibe tša wôna di fihla xodimong, ’me Modimo ó xopola makxôpô a wôna.” (Kut. 18:5) Mmago diotswa yo yoo batho ba swanetšego go ikarola go yena ke mang?

Ka gona, babadi ba Morokami ba ile ba kgothaletšwa go dira’ng? Russell o ngwadile gore: “Ge e ba kereke yeo o e tsenago e phela tlemong ya bootswa le lefase, o swanetše go e tlogela ge e ba o tla boloka seaparo sa gago se šweufetše.” Russell le badirišani ba gagwe ka nako yeo ba be ba sa kwešiše tekanyo e tletšego ya tutuetšo ya Babele o Mogolo. Lega go le bjalo, babadi ba Morokami ba ile ba kgothaletšwa go ikarola ditshepedišong tša dikereke tšeo di bego di senyegile le tšeo e lego tša lefase.—Joh. 18:36.