PHUNZILO 4

Kachulidwe ka Malemba Koyenela

Mateyu 22:41-45

ZOFUNIKILA: Konzekeletsani maganizo a omvela anu musanaŵelenge lemba.

Dziŵani cifukwa cimene mufuna kuŵelengela lembalo. Chulani lemba iliyonse mwa njila yokopa cidwi omvela anu ku mfundo yanu yofunika pa vesilo.

Khalani na cithunzi ca nkhani yonse. Mukagwila mawu a munthu wina, chulani mwini wake weni-weni wa mawuwo, komanso mlembi weni-weni wa buku la m’Baibo.
Muzichula Baibo kuonetsa maziko a mfundo zanu. Pokamba na ŵanthu okhulupilila za Mulungu, muzichula Baibo kuti ni Mawu a Mulungu, poonetsa kuti ndilo gwelo la nzelu zopambana.
Kopelani cidwi pa lembalo. Funsani funso limene lembalo lidzayankha. Kapena chulani vuto limene lembalo lidzaonetsa molithetsela. Kapenanso chulani mfundo imene lembalo lidzawathandiza kuimvetsa.

Ganizilani zimene omvela anu amazidziŵa kale pa nkhaniyo kapena pa lembalo. Chulani ngakhale lemba lodziŵika koma mwa njila yokopa cidwi, ndipo thandizani omvela anu kulimvetsa bwino.