Omukanda wo Tete Ehipululo

4 Ovana va Sundaa ankho o Pelesi+ na Hesiloo,+ na Kalimi, na Huli+ na Sombali.+ 2 Leaya omona wa Sombali atyiti Saate. Saate atyiti Aumai na Laande. Ombo, ankho onombunga mbova Solaa.+ 3 Ovana va he ya Etau,+ ankho o Sesiliyeli na Isima na Indimba (omphange yavo ankho utiwa o Haseleliponi.) 4 Penweli ankho o he ya Sendole. Esele ankho o he ya Husaa. Ovo, ankho ovana va Huli+ otyiveli tya Efalata he ya Mbelei.+ 5 Asule+ he ya Tekowa,+ wanepele ovakai vevali Hela na Naala. 6 Ovana vavo na Naala, ankho o Ausau na Hefele, na Temeni na Haasitali. Ovo, ankho ovana va Naala. 7 Ovana va Hela, ankho o Selete na Isale na Etenaa. 8 Kosi atyiti Anumbe na Sombemba, nonombunga mba Aaleli omona wa Haluu.

9 Sambesi wahumbilwe vali tyipona ava ankho velikwai navo. Ina wemulukile okuti o Sambesi,* mokonda ankho uti: “Nemukutula nomalwihamo.” 10 Sambesi waovolele Huku yo Isilayeli, aiti okuti: “Ñgeno unkhanena-vo nawa, oyawisa kohika yange. Okuvoko kwove kukale-vo kwaame, ondyakulila kovitateka opo vihandinge omapita!” Huku emwavela etyi aita.

11 Kelumbe velikwai na Swaa, watyitile Meili he ya Esitoo. 12 Esitoo atyiti Mbete-Lafa, na Paseya, na Teina he ya Ili-Naasi. Ovo, ankho ovalume vo ko Leka. 13 Ovana va Kenasi ankho o Otiniyeli+ na Selaya. Omona wa* Otiniyeli, ankho o Hatate. 14 Meonotai watyitile Ofala. Selaya atyiti Sowambe he yova Se-Halasii.* Valukilwe ngootyo mokonda ankho ovanongo.

15 Ovana va Kalembe+ omona wa Sefunee, ankho o Ilu, na Elaa na Naaa. Omona wa* Elaa, ankho o Kenasi. 16 Ovana va Seyaleleli ankho o Sife, na Sifa, na Tiliya, na Asaleli. 17 Ovana va Esela ankho o Setele, na Melende, na Efele na Satee. Umwe povakai* va Melende, akutula Miliaa, na Samai, na Isimbaa he ya Esitemowa. 18 (Omukai wae omu Sundaa, akutula Selende he ya Sendole. Hembele atyiti Soko. Sekutiyeli atyiti Sanowa.) Ovo, ankho ovana va Mbitiya omona wa Falaoo, wanepelwe na Melende.

19 Ovana vomukai wa Hondiya, omphange ya Nahaa, ankho ovo he ya Keila omu Ngalemita, na Esitemowa omu Maakate. 20 Ovana va Simau, ankho o Aminoo, na Lina, na Mbeni-Hanaa, na Tiloo. Ovana va Isi, ankho o Soete na Mbeni-Soete.

21 Ovana va Selaa,+ omona wa Sundaa, ankho o Ele he ya Leka, na Laandaa he ya Malesa, nonombunga mbo vokulinga ovinyanga oviwa, veumbo lya Asimbeya, 22 na Sokii, novalume vo ko Kosemba, na Sowasi na Salafe, vokwanepele ovakai ova Moambe, na Sasumbi-Leemi. Ehipululo olio, liahonekwa kohale.* 23 Ovo, ankho ovahongi vonombiya. Ankho vakala mo Netaii, nomo Sendela, ankho vaundapela ohamba.

24 Ovana va Simiyau+ ankho o Nemweli, na Samii, na Salimbe, na Selaa na Saulu.+ 25 Saulu atyiti Saluu, Saluu atyiti Mimbisau, Mimbisau atyiti Misima. 26 Misima atyiti Hamweli, Hamweli atyiti Sakule, Sakule atyiti Simei. 27 Simei watyitile ovana ovakwendye 16, novahikwena 6. Mahi vana ankho velikwai nae kavatyitile ovana ovanyingi. Tupu ponombunga mbavo, nawike wakalele novana ovanyingi ngo vonombunga mbomuhoko wa Sundaa.+ 28 Ankho vakala mo Mbelesemba,+ nomo Molandaa,+ nomo Hasale-Swali,+ 29 nomo Mbila, nomo Esee,+ nomo Tolande, 30 nomo Mbetwele,+ nomo Holomaa,+ nomo Sikalange,+ 31 nomo Mbete-Malakambote, nomo Hasale-Susii,+ nomo Mbete-Mbili, nomo Saalaii. Oo, ankho omapunda-umbo avo, atee pononthiki Ndaviti akala ohamba.

32 Omapunda-umbo avo ankho etano: O Etau, no Aii, no Limoo, no Tokee no Asaa,+ 33 kumwe nonohika ankho mbeliseta nomapunda-umbo oo, atee ko Mbaale. Olio, ehipululo liomihoko viavo, nonohika vakalaile. 34 Mesombambe, na Sanileke, na Sosa omona wa Amasiya, 35 na Sowele, na Seuu omona wa Sosimbiya, Sosimbiya omona wa Selaya, Selaya omona wa Asiyeli, 36 na Eliyoenai, na Saakombaa, na Sesowaya, na Asaiya, na Andiyele, na Sesimiyeli, na Mbenaya, 37 na Sisa omona wa Sifi, Sifi omona wa Atee, Atee omona wa Sendaiya, Sendaiya omona wa Sinili, Sinili omona wa Semaiya, 38 aveho ovo vatumbulwa, ankho onohongoi, onombunga mbavo mbeliyawisile. 39 Ovalume ovo, vaile atee kombundi yo Sendole, no membota lyo koutundilo, okukaovola onofika mbokulisila ovipako viavo. 40 Avavasi onohika mbanina* mbukahi nawa mbokulisila, onofika mbelihandya,* mbapola, mbahalingisa otyiho. Ankho mwakalaile ova Kaa.+ 41 Pononthiki mba Isekiya+ ohamba yo Sundaa, ovalume ovo vokwatumbulwa, vaile, avakalwisa omakaka ova Kaa nova Meunii ankho vakala mohika oyo. Avevehanye-ko, ngeetyi hono tutyeete. Avapingi mohika yavo, mokonda ankho ina omalihilo ovipako viavo.

42 Ovalume vamwe ova Simiyau, ankho vavasa po 500, avaende konomphunda mbo Seili.+ Ankho vahongolelwa na Pelatiya, na Nealiya, na Lefaiya, na Usiyeli, ovana va Isi. 43 Ovalume ovo, avaipaa ova Amaleke+ ankho vahupa-po, vakahombokele. Avakala mohika oyo atee onthiki yo hono.