Isekiyele

23 Ondaka ya Siovaa aindyendela vali aiti: 2 “Mona womulume, kwali ovakai vamwe vevali, ina yavo wike.+ 3 Avalingi omakunga mo Isitu;+ velipaka-le moukunga pouna. Ngako vamangelwa pononthulo mbavo, avakwatwa-kwatwa komavele avo atumba pahe. 4 Omukulu watyo utiwa o Oolaa,* ondenge yae o Oolimbaa.* Avalingi vange, avakutula ovana, novakwendye novakainthu. Omanyina avo, Oolaa o Samaliya,+ Oolimbaa o Selusalei.

5 “Oolaa wahimbika etyi tyoukunga pweetyi+ nkhele owange. Ankho uhanda vala onombalehi mbae,+ ava velikala navo popepi ova Asilia.+ 6 Ovo vali ovatumini vomivalo ovingole, ovanene vatyo — aveho vali ovakwendye omalenga vaendela kononkhambe mbavo. 7 Ngwe elipake moukunga novana aveho va Asilia, omalenga atyo,+ elisilisa novilolo vitoyesa* vya ava ahanda. 8 Katundile moukunga, ou akalela vala mo Isitu, mokonda valalaile-ale nae poukainthu, otyo vemukwata-kwata komavele ae atumba pahe, avemuuyulila ovipepe viavo.*+ 9 Andyimupakula peke lionombalehi mbae, ovana va Asilia,+ ava mwene ahanda. 10 Avahololola omapenge ae,+ avatyindi-po ovana vae, novakwendye novakainthu,+ ngwe avemwiipaa nomutunga. Aunduka pokati kavakai vakwavo, avemupake momphela avapopi etyi malingwa.

11 “Etyi ondenge yae Oolimbaa etyimona, oluholio lwae aluvilipo vali, tyae tyoukunga atyivilipo vali alambe-po omukulu wae.+ 12 Ankho uhanda ava velitungaila navo, ovana va Asilia, + ovatumini, novanene vatyo, ovalume vavala ovikutu oviwa, vaendela kononkhambe — ovakwendye aveho omalenga atyo. 13 Etyi elisilisa, andyityimono okuti, aveho vevali vena vala ondyila ike.+ 14 Mahi ngwe waile vali unene kokule moukunga wae. Amono ovalume vanthindwa motyimato, novilolo viova Kalindeya vianthindwa avilombwa otyivala tyikuhukila, 15 viavala omakwamo monomanekelo, nomilami ominene momitwe, vilinga ngoti ovakwa-vita, aviho vipopia ova Mbambilonia vatyitilwa motyilongo tyova Kalindeya. 16 Wati vala vimonee, ahimbika okuvihanda, atumu-ko ovatumwa-ndaka ko Kalindeya.+ 17 Ovana vo Mbambilonia aveya okulala nae koula wae, avemusilisa novipepe* viavo. Etyi vemusilisa, ngwe evetoyo, eveyeke-po.

18 “Etyi apangela moukunga wae omo, tyehena-le ohonyi, otyo ahololola omapenge ae,+ andyimutoyo andyimuyeke-po, ngeetyi natoyele omukulu wae andyimuyeke-po.+ 19 Pahe evilipo umwe movilinga viae vioukunga,+ atyeeta umwe momutwe ononthiki mbo poukainthu wae pweetyi ekunga motyilongo tyo Isitu.+ 20 Ankho uhanda ononthawa mbae, ngeetyi tyilinga ononthawa mbovalume vena omapenge ekahi ngo otyimbulu, vomapenge ekahi ngo onkhambe. 21 Ove weivaluka otyituwa tyikundisa tyo poukainthu wove mo Isitu,+ pweetyi vekukwataile ponthulo, komavele ove atumba pahe.+

22 “Ove Oolimbaa, etyi otyo tyapopia Tatekulu Ohamba Onene Siovaa, wati: ‘Ndyili nokuhohiya onombalehi mbove,+ ombu ove watoya ombu wayeka-po, mandyimbukongolola kononthele ambuho ambuya okukulwisa,+ 23 ovana va Mbambilonia,+ nova Kalindeya aveho,+ ovalume ova Pekonde,+ nova Sowa, nova Kowa, aveho novana va Asilia. Aveho ovo, ovakwendye omalenga, ovatumini, omanene atyo, ovakwa-vita, novalume vaholovonwa,* aveho vaendela kononkhambe. 24 Ngwe mavekekulwisa nomatemba omanene nomalola atyo, novita ovinyingi, nonondyakulilo ononene nononthutu,* nomakapasete. Mavekekupaka pokati, mandyikevepa otyilinga tyokuteta omphela yove, omphela yove mavekeyeendeka ngeetyi mwene vahanda.+ 25 Mandyipolo-mo onyengo yange, avekulingi etyi vekulinga nonyengo onene. Mavekekuteta eyulu nomakutwi, ava mavakahupa-po, mavakankhia komutunga. Mavakatyinda-po ovana vove, novakwendye novakainthu, ava mavakahupa-po mavakayokwa notupia.+ 26 Mavekekuhulula omivalo viove,+ avekekupola ovipuka viove viomahiwe.*+ 27 Mandyikamana-ko ovituwa viove vikundisa, noukunga wove+ wahimbikila motyilongo tyo Isitu.+ Kumekevetala-tala vali, kumakahinangaila vali o Isitu.’

28 “Ngwe etyi otyo tyapopia Tatekulu Ohamba Onene Siovaa, wati. ‘Ame mandyikupakula peke lya ava ove uyele, ava watoya, ava wayeka-po.+ 29 Etyi mavekekulinga otyokukuyele umwe, mavakatyinda-po atyiho watutumbilile,+ mavekekusa muhoyo, poluhandya. Omapenge ove akundisa ouhayo wove maekeya koluhandya, atyiho novituwa viove vikundisa, noukunga wove.+ 30 Ove mokalingwa ovipuka ovio, kombanda yokwalandaula movanthu vovilongo lwekunga,+ kombanda yokwelisilisa novilolo viavo vitoyesa.+ 31 Ove walandula ondyila yomukulu wove,+ ame mandyikapaka olufo lwae peke liove.’+

32 “Etyi otyo tyapopia Tatekulu Ohamba Onene Siovaa, wati:

“Otyo ame mwene netyipopia,” o Tatekulu Ohamba Onene Siovaa wetyipopia.’

35 “Etyi otyo tyapopia Tatekulu Ohamba Onene Siovaa, wati: ‘Mokonda ove wandimbwa wanthomba umwe,*+ mokakondya nononkhumbi mbutuka kovituwa viove vikundisa, no koukunga wove.’”

36 Siovaa pahe amphopila ati: “Mona womulume, okuti mopopi etyi matyilingwa ovo Oolaa na Oolimbaa,+ movevili umwe ava veli vala movituwa vitoyesa? 37 Velipaka moumbalehi,*+ pomavoko avo pena ohonde. Kavelipakele vala moumbalehi novilolo viavo vitoyesa, mahi tupu ovana vavo vanthyitilile vevepaka* motupia, avalingi okulia kwovilolo viavo.+ 38 Mahi nkhele avandingi vali otyipuka otyikwavo: Monthiki omo, vasilisa omphangu yange ikola, vasilisa ovityasapalo viange. 39 Monthiki yatyo oyo, etyi vaipaa ovana vavo valinge ovilikutila kovilolo viavo vitoyesa,+ avanyingila momphangu yange ikola veisilise.+ Otyo, otyo valingila mondywo yange mokati. 40 Avatumu umwe omutumwa-ndaka, akaihane ovalume kokule.+ Tyina ovalume ovo pahe vehika, ove olikoho, olilombo komaiho, olipake ovipuka viomahiwe.+ 41 Pahe opumphama koula umwe ukahi nawa,+ uli ponthele pomesa+ wapaka onombao mbange*+ nomulela wange.+ 42 Otyo mwiivalela onondaka mbovalume ovanyingi vehesukile-ale, mwati vala nononkholwa mbapolwa moluhandya. Ovalume ovo avapake ovinunga komavoko ovakai, nonohala* onongwa komitwe viavo.

43 “Ame andyipopi vali ou pahe ankho waponwa-le kombanda yokwelipaka moukunga andyiti: ‘Pahe kamatundu vali moukunga wae.’ 44 Ovalume ovo ngatyo vala vakalela otyo tyokwenda kwe, lwomunthu wenda umwe vala kekunga. Ongootyo vaya kovo Oolaa na Oolimbaa, ovakai vovituwa vikundisa. 45 Mahi ovalume onondingaviwa mavekevelinga umwe etyi tyihiwa mo voumbalehi+ no vokumomesa ohonde;+ mokonda ngwe vati umwe oku velipaka moumbalehi, apa pomavoko avo pena ohonde.+

46 “Etyi otyo tyapopia Tatekulu Ohamba Onene Siovaa, wati: ‘Mavakakatulilwa ovita, opo valinge vokweeta owoma movanthu, vakalaile vala okupundwa.+ 47 Ovita ovio, mavikeveyumba omamanya,+ avikeveipaa nomitunga. Mavakaipaa ovana vavo, ovakwendye novakainthu,+ omaumbo avo avekeepaka otupia.+ 48 Mandyikanyima motyilongo ovituwa vikundisa, ovakai aveho mavakalondokela-ko, kamavapolo tyovituwa vienyi vikundisa.+ 49 Ovivi vitunda kovituwa vienyi vikundisa, no kononkhali mwalinga novilolo vienyi vitoyesa, mavekemuuyulila-vio; onwe mamukankhola umwe okuti, ame, ame Tatekulu Ohamba Onene Siovaa.’”+