“Ohika yove iyambwe na Siovaa,+

Mohika yove muwile ovipuka oviwa viomeulu,

Muwile eyombo, mukale omeva o ponondyivi-ndyivi mbo pohi,+

14 Mukale ovipuka oviwa vieetwa nekumbi,

Mukale ovikuna oviwa, hanyi na hanyi,+

15 Mukale ovipuka oviwa vali, vitunda konomphunda ononkhulu,*+

Ovipuka oviwa vyo kovipunda viokukala-ko apeho,

16 Mukale ovipuka oviwa viohi, oviwa vieyula-mo,+

Apandwe na Una ukala momikete.+

Aviho ovio, viye komutwe wa Susee,

Viye pombalanganga ya una wakoywa-po pu ava velilandula navo.+

17 Omunkhima wae wafwa wongombe onthwei yatetekela okutyitwa,

Onombinga mbae mbafwa onombinga mbongombe onthwei yohika.

Onombinga ombo, ombo makatahula* nambo ovanthu vovilongo,

Aveho ekevehikiya oku kwaoyela ohi.

Onombinga ombo, ovityita omakwii-nomakwii a Efalaii,+

Ovityita-novityita vya Manasesi.”