9 Etyi ova Isilayeli veliyava ku Siovaa evekwateseko,+ Siovaa eveovolela omuyovoli opo ayovole ova Isilayeli:+ omuyovoli watyo o Otiniyeli+ omona wa Kenasi, Kenasi ondenge ya Kalembe. 10 Omphepo ya Siovaa aiya mwe,+ akala omukoyesi wo Isilayeli. Etyi vakalwa, Siovaa emupakulila Kusaa-Lisataii ohamba yo Mesopotamia* pomavoko ae, alwisa Kusaa-Lisataii atiliko.

34 Pahe omphepo ya Siovaa aiya mu* Sindeyau,+ ahiki onkhwino,+ ova Ambiyeseli+ avemulandula.

29 Omphepo ya Siovaa aiya mu Sefetee,+ aende alambe o Sileyande, notyilongo tya Manasesi, okwenda no ko Misipaa yo Sileyande,+ aende atee kova Amoo.

5 Sasau aende no ko Timinaa, novo he na ina. Etyi ehika pomapia omiti vionouva vyo ko Timinaa, akutundu onkheyama* ikoma ikahi nokuya no kwe. 6 Omphepo ya Siovaa aimwavela ononkhono,+ tyehena natyike pomavoko, aipaa onkheyama eitandula pokati ngotyinkhombo. Mahi, ehetyipopi ku he nii ku ina etyi alingile.

10 Etyi vatunda-ko, avaende no kotyipunda akutundilila otyikundyi tyovauli veya no kwe. Liwa-liwa, ononkhono mba Huku ambumukwatesako,+ ahimbika okuula+ kumwe novauli. 11 Ovanthu aveho vemwii etyi vemumona ukahi nokuula novauli vakwavo, avahimbika okulipula okuti: “Omona wa Kisi, Saulu, walinga-tyi? Okuti nae omuuli?”

13 Ngootyo, Samuwele akwata ombinga yomulela,+ emulembula otyo ovakulu vae vatala. Okutuka monthiki oyo, ononkhono mba Siovaa ambukwatesako+ Ndaviti. Konyima Samuwele akondoka ko Lamaa.+