21 Siovaa atumu oandyu, aiipaa ovakwa-vita vokwapama,+ novatumini, nononkhalamutwe, monthanda yohamba yo Asilia, ngwe akondoka tyakunda kotyilongo tyae. Konyima, anyingila mondywo ya* huku yae, vamwe povana vae avemwipaa nomutunga.+ 22 Ngootyo, Siovaa ayovola Isekiya, novanthu vakala mo Selusalei pomavoko a Senakelimbe Ohamba yo Asilia, no pomavoko ovanthu aveho ovakwavo. Evepululukiswa-po kononthele ambuho.

36 Oandyu ya Siovaa aiya aiipaa ovalume vomonthanda yova Asilia 185.000. Tyina ovanthu vapinduka-po komuhuka avavasi ovanthu aveho omandindi.+ 37 Senakelimbe ohamba yo Asilia, atundu-po akondoka ko Ninive,+ ngako akakala.+