Isaiya

61 Omphepo ya Tatekulu Ohamba Onene Siovaa, ili kwaame,+

Mokonda Siovaa walembula ame, ndyiivise oviwa ovipe konondalawa.+

Wanthuma ndyihakule* vomutima wateka-teka,

Ndyipopie eyovo kononkhwatwa,

Ndyiikule omaiho ovikonde.+

 2 Wanthuma ndyiivise enima liokankhenda ka Siovaa,

Nonthiki yonyengo ya Huku yetu,+

Ndyikengelele aveho valila,+

 3 Ndyipe ava valila o Siyau,

Ohala, vahalinge vetwe,

Ndyivepe omulela wehambu, vahalinge vokulila,

Andyivepe omuvalo womunkhima, vahalinge vomutima wasoya.

Mavakatiwa omiti ominene viouviuki,

Viatwikwa na Siovaa opo vimunkhimaneke.*+

 4 Mavakapindula-po omatunthu okohale,

Avakapindula-po onomphangu mbokwahanyauka mbo kohale,+

Avakatunga vali omapunda-umbo okwahanyauka,+

Onomphangu mbokwakala omakongola omanima omanyingi.+

 5 “Ovanthu muhei mavekeliava opo vakalise ovipako vienyi,

Ononthunda-vilongo+ avakayunga omapia enyi, novitaka vienyi vina omiti vionouva.+

 6 Mahi onwe, mamukatiwa ovanakwa va Siovaa.+

Ovanthu ovo, mavekemuti ovaundapi va Huku yetu.

Onwe mamukalia omalumono ovanthu vovilongo,+

Amukelimphandela omunkhima* wavo.

 7 Onwe kamamukakunda vali, mahi mamukapewa onohika onombali,

Ovanthu vange kamavakakunda vali, mahi mavakakwiilila nehambu mokonda yetyi vapewa.

 8 Mokonda ame Siovaa ndyihole ouviuki.+

Ndyiyele oumphulu nevi vihaviukile.+

Mandyikeveavela noukwatyili ondyambi yavo,

Andyikalinga navo omphango itwalako apeho.+

 9 Ovana* vavo mavakanoñgonokwa pokati kovanthu vovilongo,+

Vokwatuka muvo mavakanoñgonokwa pokati kovanthu.

Aveho vevemona mavakanoñgonoka okuti,

Ava ovana* vokwakanenwa nawa na Siovaa.”+

Mokonda wambaleka omuvalo weyovo.

Wanthyika otyikutu* tyouviuki,

Ngomukwendye unepa wavala ombuya ngo yomunakwa,+

Ngomuhikwena unepwa ulihiwiswa novipuka viae viokulihiwiswa.

11 Mokonda, ngeetyi ohi imenesa ovikuna,

Otyitaka tyimenesa evi viakunwa-mo,

Ongootyo Tatekulu Ohamba Onene Siovaa,

Makaeta ouviuki+ nomunkhima otyo ovanthu vovilongo+ aviho vatala.