Ndaniyele

2 Menima lya vali Nambukondonosole atumina, hono nthiki imwe ate onondyoi mbumwe ononyingi, ambumuhukaisa umwe unene,*+ nokulala ahalala. 2 Ohamba aitumu ovanakwa vokwatambula veye, aveho novatali, no vokuloa, nova Kalindeya,* veye vapopile ohamba onondyoi yata. Ngwe aveya avanyingila avatalama kotyipala tyohamba.+ 3 Pahe ohamba aiveti: “Nata ondyoi, nahulilwa etyi ndyilinga ndyitupu,* nahanda okunoñgonoka ondyoi nata.” 4 Ova Kalindeya avapopila ohamba melaka lyo Alamaiku*+ avati: “Hamba, kala nomwenyo apeho! Tutolelwe onthwe vapika vove ondyoi wata, matukupopila etyi ipopia.”

5 Ohamba aipopila ova Kalindeya aiti: “Mandyipopi vala like: Ine ondyoi kamwimphopila amwahapopi etyi ipopia, mamutipaulwa ovinthimbu, omaumbo enyi maalingwa onondywo mbokwiila kohika.* 6 Mahi ine mumphopila ondyoi yatyo neetyi ipopia, mandyimwavela ovipuka ovinyingi, mandyimuyambe, mandyimunkhimaneka unene.+ Pahe mphopilei ondyoi yatyo neetyi ipopia.”

7 Ngwe avapopi vali avati: “Hamba, popia vala, tutolele ondyoi yatyo, onthwe matukupopila etyi ipopia.”

8 Ohamba aiveti: “Netyimonale, onwe mwahanda tyeende ehimbwe onwe otyo musoka, mokonda nemuti-ale mandyipopi vala like. 9 Ine ondyoi kamwimphopila, amuho mamulingwa vala otyipuka tyike. Mahi onwe mwelipakaila-mo mwahanda okuntholela omatutu, mwahanda okunkhemba mutale hamwe tyilamba. Mphopilei vala ondyoi yatyo na ndyityimone okuti mutyivila okwipotoyola.”

10 Ova Kalindeya avakumbulula ohamba avati: “Nawike kombanda yohi* utyivila okulinga etyi hamba uli nokwiita, mokonda nkhele twali kakunekale ohamba onene, hamwe omutumini waitile-ale otyipuka ngootyo kovanakwa vokwatambula no kovatali no kova Kalindeya. 11 Etyi ohamba ili nokwita tyalema, nawike omunthu utyivila okutyipopila ohamba, ono huku vala mbahakala-le no vokunkhia.”*

12 Etyi yetyiiva, ohamba ainumana unene-nene, aitumu ovanongo aveho vomo Mbambilonia vaipawe.+ 13 Etyi otyitumino tyatolwa, ovanongo pahe vehungi kokwipawa, ovo Ndaniyele nomapanga ae navo avaovolwa vaipawe.

14 Opo yatyo Ndaniyele eliyombeleka umwe, nounkhengela apopi na Aliyoke, omululiki wovayungi vohamba, wakatuka tyokukaipaa ovanongo vomo Mbambilonia. 15 Apulu Aliyoke omutumwa wohamba ati: “Oityi ohamba yatumina otyipuka tyalema ngootyo?” Aliyoke atolela Ndaniyele etyi tyaenda.+ 16 Ndaniyele aende kohamba, aiti akevele-po vali katutu, haa eye apopile ohamba ondyoi yata.

17 Ndaniyele aende keumbo, akapopila omapanga ae ovo Hananiya na Misaeli na Asaliya otyipuka otyo. 18 Ndaniyele eveiti velikwambele ku Huku keulu evelinge okankhenda evepopile otyipuka otyo tyeheiwe, opo ovo Ndaniyele nomapanga ae vahaipaelwe kumwe novanongo vakwavo vomo Mbambilonia.

19 Ndaniyele aholololelwa otyipuka otyo tyeheiwe movililenya amona kounthiki.+ Pahe Ndaniyele ahivilika Huku keulu. 20 Ndaniyele ati:

24 Ndaniyele aovola Aliyoke, ou ohamba yatuma aipae ovanongo vomo Mbambilonia,+ emuti: “Wahaipae omunongo nawike womo Mbambilonia. Nthwale kohamba ndyikapopile ohamba ondyoi yata.”

25 Aliyoke atwala liwa-liwa Ndaniyele kohamba, ngwe eipopila ati: “Navasa omulume umwe povikonde vyo ko Sundaa+ una metyivili okupopila ohamba ondyoi yata.” 26 Ohamba aipulu Ndaniyele ou pahe utiwa o Mbeletesasale+ aiti: “Otyili utyivila okumphopila ondyoi nata, oipotoyola?”+ 27 Ndaniyele akumbulula ohamba ati: “Nawike omunongo, nii ovatali, nii ovanakwa vokwatambula, nii vokutalela kononthungululu, nawike utyivila okupopila ohamba otyipuka tyeheiwe ove waita.+ 28 Mahi keulu kuna Huku Omupimphululi weevi viaholama,+ wekulekesa hamba Nambukondonosole etyi ouye maukakala kononthiki mbahulilila. Ondyoi wata oyei, ovilelenya wamona viakala momutwe wove etyi ulangi koula wove ovievi:

29 “Tatekulu hamba, etyi ulangi koula wove, wakala nokusoka etyi matyikamoneka komutwe, Wokuhololola evi viaholama, wekuholololela etyi haa matyimoneka. 30 Ame otyipuka otyo, netyiholololelwa, ha tyounongo wange wapona wovanthu aveho; mahi netyiholololelwa vala ndyityipotoyolele ohamba opo ove hamba unoñgonoke olusoko luli momutima wove.+

31 “Tatekulu hamba, ove wamona otyilolo tyimwe otyinene. Otyilolo otyo tyati otyo otyinene, otyo tyaliaima unene, tyakunguvala komutwe wove, molupe lwatyo okutyitala tyitilisa owoma. 32 Omutwe watyo owoolu yahankhingaile,+ onthulo yatyo no momavoko opalata,+ meimo no movitumbo otyitasu,+ 33 omipindi viatyo otyivela,+ onomphai mbatyo otyivela tyahonya neema.*+ 34 Ove wamona vali emanya liakakulwa komphunda, mahi ha-nomavoko, liaveta motyilolo otyo konomphai mbatyo mbotyivela tyahonya neema, alimbutyatyaula.+ 35 Opo yatyo opo atyi notyivela neema, notyitasu, nopalata noolu avityatyaulilwa kokulike, avilingi ngeyungu lyo potyipale pokwenye, ei omphepo aivityindi-po apahavasiwa vali natyike. Mahi emanya liokwatyatyaula otyilolo otyo, alilingi omphunda imwe onene yaoya ohi aiho.

36 “Oyoyo ondyoi wata, pahe matukupopila hamba etyi ipopia. 37 Ove Tatekulu hamba — hamba yonohamba wapewa na Huku keulu ouhamba+ nounene, nomafa, nomunkhima, 38 womavoko apa ovanthu aveho apa vakala, novinyama viohika noviila meulu, ou wokwapewa okutumina ovipuka ovio aviho+ — tatekulu, omutwe watyo woolu, ove.+

39 “Mahi haa konyima yove, makuya ouhamba umwe+ wahavasi mo wove; haa akukeya vali ouhamba umwe wa tatu wotyitasu, maukatumina ohi aiho.+

40 “Ouhamba wa kwana maukakola ngotyivela.+ Mokonda ngotyivela tyityopa, tyinyanyauna ovipuka, nouhamba oo maukalinga ngotyivela, maukatyatyaula aukanyanyauna omauhamba oo aeho.+

41 “Wetyimona okuti konomphai mbatyo nominwe viatyo kwati oko kuna ema liomuhongi wonombiya, oko kuna otyivela, ouhamba maukeliyapuka, mahi maukatena katutu lwotyivela ngeetyi wetyimona tyakala otyivela tyahonya neema lianeñgena. 42 Ngeetyi ominwe vyo konomphai viahonya notyivela neema, ouhamba oo maukati oo wapama, oo wayengenga. 43 Ngeetyi wetyimona otyivela tyahonya neema lianeñgena, nao maukahonya novanthu;* mahi kamaekelikwata-po ngeetyi otyivela tyehelikwata neema.

44 “Pononthiki mbonohamba ombo, Huku keulu, makapaka-ko ouhamba+ wahakahanywa-ko vali.+ Ouhamba oo, kaukalinga vali wovanthu ovakwavo.+ Ouhamba oo, oo maukatyopa-tyopa omauhamba oo aeho,+ maukeehanya-ko, ngao vala ukatumaina apeho,+ 45 ngeetyi wetyimona, emanya liakakulwa komphunda mahi ha-nomavoko, liatyatyaula otyivela notyitasu, neema, nopalata, noolu.+ Huku Omunene, waholololela ohamba etyi matyikamoneka komutwe wandyila.+ Ondyoi oyotyili, neetyi yapopia tyiyumbwa onthumbi.”

46 Pahe Ohamba Nambukondonosole elipetamena-po komutwe wa Ndaniyele, elipupika-po lwonthilo. Aitumu apewe ondyambi nombao. 47 Ohamba aipopila Ndaniyele aiti: “Onwe Huku yenyi, o Huku umwe yono huku, oe Omunene wonohamba, Omuholololi wovipuka viaholama, ove wetyivila umwe okuhololola otyipuka etyi tyepwiya.”+ 48 Ohamba aipake Ndaniyele kounene, aimupe ovipuka ovinyingi oviwa, aimuvialeka alingi omutumini mo Mbambilonia aiho,*+ alingi omunene watyo wovanongo aveho vomo Mbambilonia. 49 Ndaniyele apopi nohamba ovo Sandalake na Mesake na Ambendeneku,+ valinge ovaundapi vomombala yo Mbambilonia,* ohamba aitavela, ou Ndaniyele aundapa mombonge yohamba.