Wahonekelwa Ova Hembeleu

1 Kohale-hale Huku wapalaikile-po umwe okupopia nonombwale mbetu mokwevetumaine ovauli, okuti umwe apopi ñgaa, apopi ñgaa.+ 2 Mahi pahe konthyulilo yononthiki ombu, wapopia noonthwe, wapopila Momona,+ ou anaka alinge omphinga yovipuka aviho,+ mu ou atungila ouye auho.*+ 3 O mwe mwamonekela omunkhima wa Huku,+ o mwe mwamonekela umwe nawa oñgeni ngwe ekahi,+ evi ovipuka aviho uviyaka nondaka yae ina ononkhono. Etyi etukoha ononkhali mbetu,+ apumphama kokulio Kwomunanene keulu.+ 4 Ngwe pahe walinga omunene vali konoandyu+ mokonda wapewa enyina ewa vali komanyina ambo.+

5 Nkhele tala vala, ponoandyu, oipi Huku atile: “Ove umona wange; hono ame nalinga ho”?+ Ati vali: “Ame mandyikakala tate yae, ngwe akakala omona wange”?+ 6 Mahi pokwaeta vali Otyiveli tyae+ pano pohi, wati: “Onoandyu ambuho mba Huku mbulipetamene kwe.”*

7 Tupu wapopia onoandyu wati: “Onoandyu mbae umbulinga onomphepo, ovaundapi vae*+ uvetyitula omutemo wotupia.”+ 8 Mahi pokupopia Omona, wati: “Huku apeho oe otyipundi tyove tyounene apeho umwe,+ ei onkhunye Youhamba wove, onkhunye yoviwa.* 9 Ove wahumba etyi tyokuviukisa, wayala etyi tyokwehetavela ovitumino. Otyo Huku, Huku yove, ekulembulila+ nomulela wehambu tyipona omapanga ove.”+ 10 Ati vali: “Ove Tatekulu, ponthyimbi ove watunga omalisesu ohi, aa omaulu, ovilinga viomavoko ove. 11 Eulu malivombo-ko atyiho nohi, mahi ove oko uli vala apeho; eulu malipu umwe lwomuvalo, atyiho nohi, 12 ove mokawinga-winga eulu ngekapote, ngomuvalo, atyiho nohi, eulu mokapingiya-po ekwavo, nohi mokapingiya-po onkhwavo. Mahi ove, ove vala, omanima uli kouye etupu apa ehulila.”+

13 Mahi, oipi ponoandyu Huku atile: “Pumphama kokulio kwange, kevelela ndyipake onondyale mbove mombwelo yonomphai mbove”?+ 14 Ngwe ambuho ha noandyu mbulinga*+ ovilinga vikola, mbutumwa mbuundapele ava mavakapewa eyovo?