12 Una uhole okulongwa onondunge, uhole enoñgonoko,+
Mahi una wahaviyulwa otyova.+
2 Omunthu wokukahi nawa, oe Siovaa ehole,
Mahi ou wokupanga ovivi, oe avela onombei.+
3 Okulinga ovivi katyikalesa omunthu nombembwa,+
Mahi ovaviuki kamavakatukulwa-po.
4 Omukai wonduvia otyuuya tyomulume wae,+
Omukai ukundisa, ouvela uvolesa omankhipa omulume wae.+
5 Omalusoke ava vaviukisa, omawa,
Mahi okupakailwa-mo nonondingavivi, uvomba.
6 Onondaka ondingavivi ipopia eliva, mbwiipaa,+
Omulungu wovaviuki uveyovola.+
7 Tyina onondingavivi mbukaipawa-ko, kambukakala-ko vali,
Mahi eumbo liovaviuki likala-kala-ko vala tyitai.+
8 Omunthu wonondaka mbounkhengela mahivilikwa,+
Mahi omutima wapenga mavekeutomba.+
9 Hahe ulinge vala omunthu uli vala opo, otyo una omupika,
Tyipona okwahanda ukulinkhimaneka, ngwe etyi ulia utupu.+
10 Omuviuki utekula nawa ovipako viae,+
Ou ondingavivi nokankhenda kae vala, okavi.
11 Omunthu ongundya makaputuka kokulia,+
Mahi una ulandaula mu evi viehesilivila, utupu onondunge.
12 Ondingavivi okumona ondingavivi mukwavo wayeva, ulwa-onkhi,
Mahi onondingaviwa omwii wavo ukaeta ovinyango.
13 Etompho liomukalavi limukoka, olio umwe limwiipaa,+
Mahi ondingaviwa uhupa kamono ononkhumbi.
14 Konondaka omunthu apopia, uliako otyiwa,+
Evi ovilinga vyo peke liae vikemupa ondyambi.
15 Ondyila yomuhima komaiho ae mwene yaviuka,+
Mahi omuna-ndunge upakelwa-mo etavela.+
16 Omuhima kasete okunumana,+
Mahi onkhengela okulewa uyeka-ko vala.
17 Omunthu wotyili no poumbangi upopia otyili,
Mahi onkhembi poumbangi ipopia omatutu.
18 Onondaka mbo wokuhatula vala mbutoma ngomutunga,
Mahi elaka liovana-ndunge otyihemba lihakula.+
19 Omilungu viotyili ovio mavikakala-ko apeho,+
Mahi elaka liomatutu kalieende-ko ehimbwe.+
20 Momutima wo vokupanga ovivi, ounkhembi omo ulele,
Mahi vana vaeta ombembwa, vena ehambu.+
21 Petupu otyivi matyiendela ondingaviwa,+
Mahi onondingavivi mavakakondya novihuna.+
22 Omilungu vikemba Siovaa vimutoyesa,+
Mahi una ukakatela motyili, oo umuhole.
23 Omunthu onkhengela etyi ei ketyipopi,
Ava ovahima vahololola umwe atyiho tyali mombungo.+
24 Enkhanya lya una wokuna onduvia olio likatumina,+
Mahi lya una wananga likakalela vala okulingilila.+
25 Otyiho tyitokotesa omutima,+
Ei ondaka ongwa ihambukiswa omutima.+
26 Ondingaviwa ukalava omalihilo ae,
Mahi onondingavivi ondyila yavo ivevombesa.
27 Wokwananga no moluyevo kaende,+
Mahi ombili ipa omunthu ouhona.
28 Ondyila ongwa ipa omunthu omwenyo.+
Oyo, oyo ondyila yehena ononkhia.