Oviimbo

144 Siovaa Onkhanda yange,+ ahivilikwe,

Ahivilikwe wokulongesa omavoko ange ndyityivile okulwa,

Wokulongesa ominwe viange ndyityivile okwenda kovilwa.+

 2 Wokundinga olwembia olunene, ondyakulilo yange,

Otyiholamo tyange,* otyiholamo tyange tyokwakola,

Omuyovoli wange, oe ondyakulilo yange, o mwe ndyiholama,+

Una umphakulila ovanthu aveho, avelifefe kwaame.+

 3 Siovaa, omunthu wehesilivila-le ñgaa, usuka nae o watyi?

Pahe usukila-tyi nomunthu utuka momunthu unkhia?+

 4 Omunthu ukahi vala ngokamphepo kafilwa.+

Ononthiki mbomwenyo wae mbulamba vala ngokahi.+

 5 Siovaa yendeleka-vo* eulu liove, olauka.+

Yama konomphunda mbutwime omwihi.+

 6 Tuma omiliakulo uhanyikise onondyale mbange.+

Taha onohevo mbove, ovepake embilimbili.+

 7 Tandaveka omavoko ove okutuka keulu oko.

Nthyukulule-vo, ndyovole-vo komeva atutumba,

Ndyovole-vo peke liononthunda-vilongo,+

 8 Vana vokuti nga vaikula omulungu wavo, tyitunda-mo omatutu vala.

Vayelula okuvoko kwavo kwokulio avaanena omatutu.

Mandyikuhivilika noviimbo* andyilandula motyihumba tyonongoi 10,

10 Una upa onohamba eyovo,*+

Una wahukulula Ndaviti komutunga wokwipaa.+

11 Nthyukulule-vo, nthyupise-vo komavoko ononthunda-vilongo,

Vana vokuti nga vaikula omulungu wavo tyitunda-mo omatutu vala,

Vayelula okuvoko kwavo kwokulio avaanena omatutu.

12 Ovana vetu ovakwendye mavekekula vala liwa-liwa ngomiti viatwikwa,

Ava ovakainthu avakalinga ngonomphandyi mbefiwiswa mombala.

13 Ovimbundu vietu aviho mavikeyula ovikuna avihuputiukila pohi.

Monohika mbetu onongi mambukelityita, ambukatuuka ovityita-novityita, novityita omakwii-nomakwii.

14 Onongombe mbetu onoina kambukatengala* nii kamambukatopola.

Monopalasa mbetu kamamukeivalela ononkhwo.