Oviimbo

 2 Huku yange, ame ndyiyumba onthumbi mwoove.+

Wahandyeke ndyikunde.+

 3 Tyili, ava vakevelela vala kwoove, nawike makakunda.+

Mavakakunda ovava valingila umwe tyawina avaende vakwavo konyima.+

 4 Ndekese onondyila mbove Siovaa.+

Ndongese onondyila mbove.+

 5 Nkhwateseko ndyiendele motyili tyove, ondongesa,+

Mokonda ove, ove Huku yeyovo liange.

 6 Hinangela-vo okankhenda kove Siovaa, nolwembia lwove olunene,+

Okankhenda nolwembia olunene uhole okulingila ovanthu.*+

Nthyinangele-vo mokonda yolwembia lwove olunene,+

Mokonda youwa-tima wove Siovaa.+

 9 Mahongolela onondalawa mweetyi tyaviuka,*+

Malongesa onondalawa ondyila yae.+

10 Onondyila mba Siovaa ambuho olwembia olunene noukwatyili

Ku vana vaendela momphango yae+ no momahinangeleso ae.+

11 Siovaa, mokonda yenyina liove+

Evela-vo onkhali yange namphila onene.

13 Omunthu oo* makamona ovipuka oviwa,+

Vana vatuka mwe* mavakapiñgana ohi.+

14 Vena oupanga omunene na Siovaa, ovo vana vemutila owoma,+

Ngwe uvenoñgonokesa omphango yae.+

15 Omaiho ange atala vala ku Siovaa apeho,+

Mokonda mayovola onomphai mbange meliva.+

16 Tala-vo kwaame ondingi okankhenda,

Mokonda ndyimulike, nehulilwa.

17 Omalwihamo o momutima wange eliyawisa.+

Ndyovole-vo mononkhumbi mbange.

18 Tala-vo emone liange nononkhumbi mbange,+

Ndyevele-vo ononkhali mbange ambuho.+

19 Tala, onondyale mbange ovanyingi,

Vendyele unene.

21 Okukoleleya tyindyakulile, okuviukisa tyindyakulile,+

Mokonda ame ndyikevelela vala kwoove.+