Oviimbo

8 Siovaa Tatekulu yetu, enyina liove enene unene kombanda yohi aiho.

Omunkhima wove weupaka vali peulu tyipona eulu!*+

 2 Wapaka ononkhono momulungu wononkhupula no womalukembe,+

Mokonda yonondyale mbove,

Opo ondyale yove no wokukuyele vahapopie vali natyike.

 3 Tyina ndyitala eulu liove, ovilinga viominwe viove,

Ohanyi nononthungululu watunga,+

 4 Pahe omunthu wehesilivila upaka momutwe, o watyi?

Pahe ovanthu oityi opo uvetekule?+

 5 Ove wemulinga vala katutu omututu ko vokukahi nga Huku,*

Wemuvaleka omunkhima nouwa.

 6 Ove wemulinga omunene atumine ovipuka walinga nomavoko ove.+

Ovipuka aviho wevipaka mombwelo yonomphai mbae:

 7 Onongi ambuho novikombo, nonongombe,

Novinyama viohika,+

 8 Noviila vinthanana meulu nombisi yomelunga,

Atyiho tyienda-enda melunga.