Wahonekelwa Ova Efesu

1 Ame Paulu, mutumwa wa Kilisitu Sesusi kokwahanda kwa Huku, wenda kovasukuki veli mo Efesu,+ vakakatela mu Kilisitu Sesusi:

2 Okankhenda okanene ka Huku Tate yetu kakale noonwe, atyiho nombembwa itunda kwe, no ku Tatekulu Sesusi Kilisitu.

3 Huku ahilivikwe, Huku Tate ya Tatekulu yetu Sesusi Kilisitu, mokonda wetuyambela mu Kilisitu,+ wetwaavela oviwa vituka komphepo ikola, onomphangu keulu, 4 mwene wetuholovona-le tukakale nae,* nouye ankho kaunetungwe-ale, wetuholovona tulinge ovasukuki, vehena tyinthembia+ komaiho ae, monthyole. 5 Mokonda mwene wetulinga omphango+ twaalulwe tulinge ovana vae+ mu Sesusi Kilisitu, alinge etyi tyimuhambukiswa, atyeendela omu mwene ahandela,+ 6 momunkhima wokankhenda kae okanene,+ okankhenda etulinga motyali tyomona wae ehole.+ 7 Momona wae, omo onthwe twayovokela mokwafetelwa-ko tuhukulukile mohonde yae,+ pahe, tweevelwa tyina twamapengesa,+ mokankhenda kae okanene kamoma.

8 Okankhenda oko okanene wetuuyulila-ko umwe mounongo watyo auho, no mekungunyiko,* 9 mokwetunoñgonokesa ovipuka vikola viaholekwa+ vieetyi ahanda. Mwene kokwahanda kwae wapanga 10 okupaka-ko tyokululika ovipuka tyina ononthiki mbanakwa mbamati-po, opo awaneke ovipuka aviho mu Kilisitu, ovipuka keulu novipuka kombanda yohi.+ Yoo, maviwanekwa mwe, 11 mu ou tuli kumwe nae, ou twanakelwa kumwe tulinge onomphinga,+ tyeetyi twaholovonwa-le kohale momphango yo ou ulinga ovipuka aviho, uvilingila omu mwene ahandela, 12 opo onthwe vokwatetekela okukevela Kilisitu tuundapele omunkhima wa Huku. 13 Mahi noonwe mwakevela kwe etyi mweiva ondaka yotyili, oviwa ovipe vieyovo lienyi. Etyi mwetavela, mwapakelwa otyilimbo+ mwe nomphepo ikola yatolelwe, 14 ailingi opinyolo yeetyi* matukapewa,+ omphango ili-po o yokuhukulula tya Huku yatyo mwene+ nofeto iyovola,+ wetyilingila omunkhima wae omunene.

15 Otyo naame, nkhele vala neivile onthumbi muna-yo mu Tatekulu Sesusi, notyipuka muhole ovasukuki aveho, 16 hitalama-le ndyipandula vala otyipuka mukahi. Apeho ndyimutumbula momalikwambelo ange, 17 opo Huku ya Tatekulu yetu Sesusi Kilisitu, Tate womunkhima emupe omphepo younongo, ihololola enoñgonoko liae liotyili.+ 18 Huku wamimikila omaiho o komitima vienyi, munoñgonoke otyityi onwe mwaihanenwa mukevela, munoñgonoke olumono olunene apakela ovasukuki lulinge lwavo,+ 19 munoñgonoke apa pelifwe ononkhono mbae ononene mbuli mwoonthwe ovataveli.+ Apa mbulifwe tyimonekela umwe kweetyi ononkhono mbae ononene mbulinga, 20 ombu apindula-po nambo Kilisitu kononkhia, emupumphika kokulio kwae+ ponomphangu mbo keulu, 21 kombanda ya atyiho tyokutumina, kombanda yovanene aveho, yovatumini aveho, yonohamba ambuho, yomanyina aeho apondola okutumbulwa, + ha mouye* uno vala, mahi no mu ou mauya. 22 Tupu ovipuka aviho wemupakulila-vio vikale mombwelo yonomphai mbae,+ wemulinga omutwe wovipuka aviho viayemba kewaneno,+ 23 ewaneno olutu lwae,+ lweyuliswa nou ufwisapo ovipuka aviho mwaatyiho.