Wo Tete Wahonekelwa Ova Tesalonika

4 Mahi pahe vanthu vetu, etyi mweiva onthwe twemulonga, omu muna okweendela muhambukiswe Huku,+ ngeetyi tyili muli umwe nokweenda, onthwe tumwiita, tumuti-vo mu Tatekulu Sesusi, mwahayekei-ko tyilingei umwe nawa. 2 Mokonda onwe, muvii ovitumino twemupa* viayemba ku Tatekulu Sesusi.

3 Otyo, otyo Huku ahanda, wahanda onwe mulinge ovasukuki,+ amuliyungu kouhayo wokulihanda.*+ 4 Munthu na munthu anoñgonoke oñgeni matumina olutu lwae* mwene+ lulinge olutu lwasukuka,+ lwomunkhima, 5 ha nelungavi, ha novipepe viokulihanda vala+ ngovanthu vovilongo vehei Huku.+ 6 Pahamone ou ulambesa apa mwene pehikilwa, otyo ngatyo anyonena mukwavo, mokonda Siovaa* ou ulinga ovipuka ovio kemuyeke, otyo twemupopilile-ale po tete, tupu atumulondola umwe otyinene. 7 Mokonda Huku wetwiihana, mahi ketwihanenene ouhayo, wetwihanena ousukuki.+ 8 Naina, omunthu utomba otyipuka otyo, hamunthu-ko atomba, o Huku atomba,+ Huku umupa omphepo yae ikola.+

9 Mahi, pahe okuyemba kolwembia na vakwetu,+ onwe kamusukisa-le vali tumuhonekele, mokonda onwe muli nokulongeswa na Huku mulihumbe na vakwenyi.+ 10 Otyili, onwe otyo muli nokulinga vakwenyi aveho motyilongo atyiho tyo Masendonia. Mahi onthwe tumupa ondundo vanthu vetu, otyo mulinge-linge umwe ngootyo, nkhele amuyawisa-ko vali. 11 Lingei vokusuka nombembwa,+ vokusuka mwene no vienyi,+ vokuundapa nomavoko enyi,+ lingei vala etyi twemulonga, 12 opo mweende lwonondunge kovanthu vo kondye,+ mwahakambe natyike.

13 Ngwe tupu vanthu vetu, onthwe katuhande onwe mukale vala ngootyo tyehei* etyi tyayemba kwaava velele mononkhia,+ opo mwehelipetamene vala unene ngovaunyingi vokwehena etyi vakevelela.+ 14 Ine onthwe twetyiyumba umwe onthumbi tyokuti Sesusi wankhile apindulwa-po,+ opo no tyokuti ava velele mononkhia vankhila mu Sesusi,+ Huku mekeveeta vakale nae, tutyitavela. 15 Onthwe otyo otyo twemupopilila mondaka ya Siovaa,* okuti onthwe vokuna omwenyo, onthwe matweende-ko atukehika monthiki Tatekulu eyale, kamatutetekela ku ava velele-ale mononkhia; 16 mokonda mwene o Tatekulu malauka matundu keulu, akaihana tyokutumina, aihana lwa alakandyu+ una onkhwino ya Huku, ngwe ava vokwankhila mu Kilisitu avatetekela okupindulwa-po.+ 17 Opo pahe, onthwe vokuna omwenyo, onthwe vokwahupa, matukakaululwa-po atwii navo momakaka+ tukelivase na Tatekulu+ meulu; pahe atukakala-kala apeho na Tatekulu.+ 18 Naina, likengelelei apeho na vakwenyi nonondaka ombo.