Omihe
28 Onondingavivi vena owoma vakahateka avehena ou uvekwai,
2 Ovanthu motyilongo tyina vehetavela,* ovatumini kovipundi velipinga-pinga.+
Mahi omutumini uli povaika-ndunge, povanthu venoñgonoko, oo maende-ko ehimbwe.+
3 Omuhepi uvaka vakwavo navo vehena-tyo,+
Wafwa ombila iloka umwe ainyono okulia akuho.
4 Vokuyeka-po otyitumino, ondingavivi veipa omavava,
Mahi vana vetavela otyitumino veveyala.+
5 Onondingavivi kavanoñgonoka etyi tyaviuka,
Mahi vokutaindya Siovaa vanoñgonoka atyiho.+
6 Hahe vali omuhepi ulinga etyi tyaviuka,
Tyipona wokwamona ulinga ovivi.+
7 Omona una onondunge utavela otyitumino,
Mahi una weenda no vokulia unene ukundisa he.+
8 Wokumonena moumphulu uti tyina amalevalesa utyitisa,+
Olumono apaka, ulupakela una ulinga onkhenda omapongo.+
10 Una upola ondingaviwa mondyila yaviuka, emutwala nohika, makatokela metoto mwene aheyele,+
Mahi vana vakakatela motyili mavakamona oviwa.+
11 Wokwamona, ulipaka kounongo,+
Mahi ou ukungunyika ovipuka ngalingi omuhepi, umutala umwe oñgeni ekahi.+
12 Onondingaviwa okuviala, otyilongo tyinkhimana unene.
Mahi onondingavivi okwenda kovipundi, ovanthu vakaholama.+
15 Omunthu wonya okutumina omapongo,
Ufwa onkheyama ikoma, ulinga lwehunyu* liuutukila etyi likwata.+
16 Omutumini wehena onondunge, nokutumina ketyivili,+
Mahi una uyele okuvaka vakwavo makakala nomwenyo omule.+
17 Una weihamenwa, welivela tyeetyi aipaa omunthu, mati umwe holame-holame akatokela meendo.*+
Pahamoneke nawike umwaamena!
19 Una ulima epia ukekuta, mekekuta ombolo,
Mahi ou ulipaka mu evi viahatiwa ovievi ukapangaila vala moluhepo.+
21 Okapungulula hakawa.+
Notyimbembu tyombolo tyipondola umwe okulingisa omunthu ovipengi.
22 Omunthu wonkhi* usuka vala nolumono,
Olo alandula umwe nokuti oluhepo lumukwai ketyii.
24 Omona uvaka ovo he na ina, otyo ati: “Katyapengele,”+
Omona oo epanga lioou unyona nae unyona.+
27 Una upa vokwahepa kakakamba natyike,+
Mahi una uveholeka otyipala makondyo nononkhano ononyingi.
28 Onondingavivi okwenda kotyipundi ovanthu vakaholama.
Mahi onondingavivi okunkhia ovaviuki valinga ovanyingi.+