Selemiya

45 Ei oyo ondaka omuuli Selemiya apopilile Mbaluke+ omona wa Neliya, etyi Mbaluke ahoneka onondaka atolelwa na Selemiya,+ menima lya kwana Seoyakii eli kovipundi, Seoyakii+ omona Sosiya ohamba yo Sundaa:

2 “Etyi otyo Siovaa Huku ya Isilayeli apopia ove Mbaluke wati: 3 ‘Ove wati: “Tatiei hihupu, Siovaa konongembia mbange wayawisa-ko vali! Nepwila, pahe nakema ehimbwe, na apa mandyipululukilwa hipeete.”’

4 “Mupopila uti: ‘Etyi otyo tyapopia Siovaa wati: “Tala! Etyi ame natungile ndyili nokutyihanya-po, etyi natwikile ndyili nokutyitukula-po — otyilongo atyiho.+ 5 Mahi, ove uli nokuliovolela* ovipuka ovinene. Talama, wahaovole vali ovipuka ovio.”’

“‘Mokonda ndyili nokweetela ovihuna ohitu aiho,’*+ o Siovaa wetyipopia, ‘oku wamaende nako, omwenyo wove vala mandyikupe, ulinge epingo liove.’”*+