Wo Tete wa Swau

1 Ou wokuli-ko-ale nkhele tya nthyimbi, ou onthwe tweiva, ou twamona nomaiho etu mwene, ou twamona umwe atumuyame nomavoko etu, tyilava kondaka yomwenyo,+ 2 (yoo, omwenyo waholololwa tweumona, onthwe pahe tuli nokupa ovanthu oumbangi,+ tuli nokumutompholela omwenyo wahapu+ ankho uli ku Tate, omwenyo twaholololelwa), 3 ou twamona, ou tweiva tuli nokumupopila,+ opo noonwe muhule kwoonthwe.* Onthwe ngwe tuli kumwe na Tate, tuli kumwe Nomona wae Sesusi Kilisitu.+ 4 Pahe tuli nokuhoneka ovipuka ovio opo ehambu lietu liooye.

5 Ondaka tweiva kwe oyei onwe muli nokupopilwa: Huku otyimimi, mwe*+ mutupu enthiki na kapii vala. 6 Ine tuti: “Onthwe tuli kumwe nae,” mahi otyo tupangela vala menthiki, opo tuli nokukemba, motyili katumo.+ 7 Mahi ine tuli umwe nokweendela motyitei ngeetyi ngwe eli motyitei, opo tuli kumwe, opo ohonde ya Sesusi Omona wae itukoha onkhali aiho.+

8 Ine tuti: “Tutupu onkhali,” opo mwene tuli vala nokulikemba,+ otyili mwoonthwe katyimo. 9 Ine tulipopia ononkhali mbetu, una uyumbwa onthumbi, omuviukisi, metweevela ononkhali twalinga, etukoho kovipuka aviho viahaviukile.+ 10 Ine tuti: “Onthwe katulingi nkhali,” opo twemuti onkhembi, nondaka yae mwoonthwe kaimo.