Wo Tete wa Petulu

4 Mokonda Kilisitu wamonena ononkhumbi mohitu,+ noonwe pakei-mo okusoka kwae; mokonda ou umonena emone mohitu wayeka-po ononkhali,+ 2 opo omuvo ena-o nkhele makala mohitu, wahalinge vala weevi ovanthu vahanda,+ mahi ulinge we etyi Huku ahanda.+ 3 Pahe tyatuuka etyi mwakala nokulinga evi ovanthu vahanda,+ etyi mwakala movituhiwa viokwahakundu,* movipepe viokulihanda, mokunwa unene, movipito viehangahahi,* momaunkholwa, no momafendelo apenga ovilolo.+ 4 Ngwe navo vahimapala tyo onwe mwahahateka vali navo mondyila ike yokwapenga, ondyila yepese, otyo pahe vemupopila omapita.+ 5 Mahi ovo mavakapulwa no ou wamaneka-le, maongela omphela ava vena omwenyo, novokwankhia.+ 6 Ngwe tyili, otyo otyo oviwa ovipe viapopililwa umwe novokwankhia,+ opo tyitie, namphila vaongelwa omphela mohitu, mokutala kwovanthu, mahi vakale-ko tyayemba komphepo ikola mokutala kwa Huku.

7 Ngwe onthyulilo yovipuka aviho ili pepi. Naina, lingei vonondunge,+ kalei tyavindya* tyilinga omalikwambelo.+ 8 Mahi haunene, lingei vokwatokota molwembia na vakwenyi,+ mokonda olwembia lupata ononkhali ononyingi-nyingi.+ 9 Liyakulei nawa na vakwenyi, tyeheliyave.+ 10 Omu munthu na munthu alingilwa otyali atambula, etyilinge tyokuundapela vakwavo lwomululiki omuwa wokankhenda okanene ka Huku, kamonekela movinyingi.+ 11 Ou upopia, etyilinge umwe lwo ou upopia onondaka mbatunda ku Huku; ou uundapela vakwavo, etyilinge umwe lwo ou utei vala kononkhono mbutunda ku Huku;+ opo movipuka aviho Huku ankhimanekelwe+ mu Sesusi Kilisitu. Omunkhima ulinge umwe wae apeho, atyiho nounene. Amem.

12 Vanthu vange ndyihole, mwahahanunukei okusoka kovitateka ovinene muli nokukondya navio,+ mwahalingei ngatyina mwatumbukilwa notyipuka mwehei. 13 Mahi onwe, hambukwei vala+ tyina muli nokumakela kononkhumbi mba Kilisitu,+ opo noonwe muhambukwe, muhambukwe umwe unene pokuhololoka kwomunkhima wae.+ 14 Ine onwe muli nokupenyenwa* enyina lya Kilisitu, hambukwei,+ mokonda omphepo yomunkhima, otyili, omphepo ya Huku, yatula mwoonwe.

15 Mahi, pwoonwe pahakale nawike umona ononkhumbi mokonda omwiipai, hamwe otyimphulu hamwe omukalavi, hamwe o kombanda yokulipaka po viaamwene.+ 16 Mahi ine umwe umona ononkhumbi mokonda Omukwa-Kilisitu, oo tyehemukundise,+ mahi ankhimaneke vala Huku mokutyinda enyina liae. 17 Mokonda ou omuvo wanakwa omphela maihimbikila mondywo ya Huku.+ Ine naina maihimbikila kwoonthwe,+ pahe opo ava vehetavela oviwa ovipe vya Huku matyiveende ñgeni?+ 18 “Ngwe ine pakala-le ovilinga ondingaviwa ikayovoke, opo pahe ondingavivi no wokulinga ononkhali matyiveende ñgeni?”+ 19 Naina, ava veli nokumona emone mokwayemba kweetyi Huku ahanda, veliyekele umwe vala* peke Liomutungi uyumbwa onthumbi, putyina valinga oviwa.+