Oviimbo

26 Siovaa nkhoyese, mokonda ame ndyiendela moukwatyili wange.+

Ame ndyiyumba onthumbi mu Siovaa tyahatenga-tenga.+

 2 Nthale nawa Siovaa, utale etyi ndyikahi.

Kangula omalusoke ange okohi* nomutima wange.+

 3 Mokonda olwembia lwove olunene apeho luli komutwe wange,

Ame ndyiendela motyili tyove.+

 4 Ame ndyitupu oupanga* novanthu vokukemba,+

Ndyilityilika vokuholeka etyi vatuwa.*

 5 Ndyiyele oupanga novanthu onondingavivi,+

Ndyianya okweenda* nonondingavivi.+

 6 Ndyikoha omankhanya ange ndyilekese okuti halingile etyi tyapenga,

Siovaa, mandyiliseta-seta nomutala wove wovilikutila,

 7 Opo tyina ndyipandula tyiivale,+

Andyipopi ovilinga viove aviho vihuvisa.

 8 Siovaa, ame ndyihole ondywo yove omu ukala,+

Omu mukala omunkhima wove.+

 9 Wahanthyanyene* kumwe no vokulinga ononkhali,+

Nii wahamphole omwenyo wange kumwe nomwenyo wovanthu ovakalavi,*

10 Vokuna omavoko alinga ovipuka vikundisa,

Nokuvoko kwokulio kweyula evi vapatekeswa.

12 Omphai yange yaliatelela apa paviuka nawa.+

Mandyihivilika Siovaa pokati kovaunyingi.+