Oviimbo

115 Wehetuhivilike Siovaa, onthwe hanthwe-ko uhivilika,*

Hivilika enyina liove+

Mokonda yolwembia lwove olunene notyili tyove.+

 3 Huku yetu uli keulu,

Atyiho alinga tyimuhambukiswa.

 4 Ovilolo viavo opalata noolu,

Ovipuka vialingwa nomavoko ovanthu.+

 5 Vina omulungu mahi kavipopi.+

Vina omaiho mahi kavipemono.

 6 Omakutwi vina-o mahi kaviivi-ko.

Omayulu vina-o mahi kaviivi etyi tyanika.

 7 Vina omavoko mahi kavikwata.

Onomphai vina-mbo mahi kavieende.+

Pengongolilo* liavio kapatundu-ale ondaka naike.+

 8 Ovanthu vokuvihonga mavakakala ngavio,+

Na vana vayumba onthumbi muvio otyo mavakakala.+

 9 Ove Isilayeli yumba onthumbi mu Siovaa,+

— Oe ukukwatesako, oe ondyakulilo yove.+

10 Ove umbo lya Alau+ yumba onthumbi mu Siovaa,

— Oe ukukwatesako, oe ondyakulilo yove.

11 Onwe vokuna owoma na Siovaa yumbei onthumbi mu Siovaa,+

— Oe umukwatesako, oe ondyakulilo yenyi.+

12 Siovaa utuhinangela, meketuyamba.

Makayamba eumbo lya Isilayeli.+

Makayamba eumbo lya Alau.

13 Makayamba ava vatila Siovaa,

Ovatutu novanene.

14 Siovaa mekemukalesa ovanyingi,

Noonwe novana venyi.*+

15 Siovaa+ omulingi weulu nohi alinge wokumuyamba,

Wokwalinga eulu nohi.+

16 Eulu mwene o lya Siovaa,+

Mahi eheke welipa ovanthu.+

17 Vokwankhia kavahivilika Sah.+

Nii vana vokwakakota mononkhia.*+

18 Mahi onthwe matuhivilika Sah

Okuhimbikila pehepano atee-tee.