Oviimbo

145 Mandyikuhivilika Huku yange, Hamba yange,+

Mandyihivilika enyina liove apeho-apeho.+

 2 Mandyikuhivilika onthiki aiho.+

Mandyihivilika enyina liove apeho-apeho.+

 3 Siovaa omunene, oe vala wata-mo mokuhivilikwa.+

Ounene wae nokuukungunyika vala kauvilwa-le.+

 4 Makuti akuya ava vahivilika ovilinga viove, akuya ava vahilivika ovilinga viove.

Mavakahipulula ovipuka ovinene ulinga kononkhono mbove.+

 5 Mavakapopia ouwa womunkhima wove,+

Ame andyikasoka kovilinga viove vihuvisa.

 6 Mavakahipulula evi ulinga vitilisa owoma,

Ame andyikapopia ounene wove.

 7 Mavakahipulula okankhenda kove nehambu, okankhenda kove okanene,+

Mavakakwiilila mokonda youviuki wove.+

 8 Siovaa una okankhenda,* weevela,+

Kanumana liwa, una olwembia olunene.+

 9 Siovaa uhole ovanthu aveho,+

Okankhenda kae katalelwa ku evi alinga.

10 Ovilinga aviho mavikunkhimaneka Siovaa,+

Vana vakakatela mwoove mavekekuhivilika.+

11 Mavakakalavandya omunkhima wouhamba wove,+

Avakahipulula ononkhono mbove,+

ל [Lamede]

12 Opo ovanthu vanoñgonoke ovilinga ovinene ulinga kononkhono mbove,+

Nouwa womunkhima wouhamba wove.+

13 Ouhamba wove, ouhamba wahapu,

Ou outumini wove o wovanthu aveho vekeya.+

14 Siovaa uyaka aveho veli nokutoka,+

Ukatula aveho velinyongamena.+

15 Ovanthu aveho vaika vala omaiho mwoove.

Ove uvepa okulia mononthiki mbatyo.+

16 Ove upatulula enkhanya liove,

Aviho vina omwenyo ovipe etyi vihanda avikululuka.+

17 Siovaa omuviuki, onondyila mbae ambuho mbaviuka,+

Aviho alinga vilekesa okuti kayeke-po ovanthu vae.+

18 Siovaa wakalela popepi aveho vana vemukalavandya,+

Aveho vana vemukalavandya notyili.+

19 Vana vena owoma nae uvepa etyi vahanda.+

Uveiva tyina veliyava kwe evekwateseko, eveyovola.+

20 Siovaa waamena aveho vana vemuhole,+

Mahi onondingavivi ambuho membwipaa-ko.+

21 Omulungu wange maukapopia omunkhima wa Siovaa.+

Aviho vina omwenyo* vinkhimaneke enyina liae likola apeho-apeho.+