Wo Tete Wahonekelwa Ova Kolindu

13 Ine ame ndyipopia omalaka ovanthu vapopia, no momalaka onoandyu, mahi olwembia ndyitupu opo nafwa vala ongendyo ihika, elata liviela. 2 Ine ame nalingwa otyali tyokuula, napewa ekungunyiko liovipuka vikola viaholekwa, nenoñgonoko aliho,+ hamwe ndyina umwe onthumbi itaha* onomphunda, mahi olwembia ndyitupu opo himunthu-ale.*+ 3 Ine tyange atyiho ndyityipakula ndyipe vakwetu okulia,+ hamwe andyipakula umwe olutu lwange na ndyilimphande, mahi olwembia ndyitupu,+ opo ndyitupu-ale etyi nalinga.

4 Olwembia+ lwapwa elundo,*+ luna onkhenda.+ Olwembia lutupu onkhi.+ Kalulimphande, kalulipake-ko,+ 5 kalulingi ovipengi,*+ kalusuku vala no vialo,+ okulewa kalunumana.+ Okulingwa otyivi* kaluvalula.+ 6 Kaluhambukilwa etyi tyahaviukile,+ mahi luhambukilwa otyili. 7 Lulipamekela umwe movipuka aviho,+ lutavela ovipuka aviho,+ lukevela ovipuka aviho,+ lukoleleya ovipuka aviho.+

8 Olwembia nii vala kalupu. Mahi ine kuna otyali tyokuula, haa tyenda; ine kuna tyomalaka,* haa tyitalama; ine kuna tyenoñgonoko, haa tyilamba. 9 Mokonda onthwe kenoñgonoko twapolako vala twakamba,+ kokuula twapolako vala twakamba, 10 mahi apa tyokwaoya tyiya, etyi tyokwakamba matyivombo-ko. 11 Pweetyi ankho ndyimona, ankho ndyipopia vala lwouna, ndyisoka lwouna, ndyitungulula vala lwouna; mahi pahe etyi nalinga omulume, evi viouna nelipola-vio. 12 Onthwe ñgaa nkhele, tulieetele vala motyilivandyelo tyotyivela tyatwima,* mahi haa mwene pahe matulimono umwe tyipala na tyipala. Nkhele pehepano, ndyiiko vala otyinthimbu, mahi haa mandyityinoñgonoka umwe nawa,* ngeetyi naame ndyiiwe umwe nawa. 13 Pahe ngwe visala-ko ovievi vitatu: onthumbi, okukevela, olwembia: mahi tyapona-po vali pwoovio olwembia.+