Sesusi ankho wapola pokati monkhalelo elitala. Etyi eheneye pano pohi, Sesusi walingile ovipuka vihuvisa. “Ovipuka keulu no kombanda yohi, viatungwa menyina liae.” (Kolo. 1:16) Etyi ekahi nokumbatisalwa, mokutala Sesusi wahinangelele ovipuka aviho alingile etyi ena Tate yae keulu. (Mat. 3:16; Suau 17:5) Mahi ovipuka Sesusi alingaile, kaviemukalesile omunthu womalityindailo. Kalingile ovipuka ngatyina ankho ena vali esilivilo kuvakuavo. Atee wapopilile ovalongwa vae okuti “keile okuundapelwa, mahi weila okuundapela vakuavo nokuava omuenyo wae opo ayovole ovanthu ovanyingi.” (Mat. 20:28) Tupu wapopile okuti ankho kapondola okulinga otyipuka natyike kohaluae. Sesusi wali omunthu weliola omutima! Wetuhila ongeleka ongwa tuna okulandula. w22.05 24 § 13

Tyina Siovaa ahanda okuevela omunthu umwe utala umwe nawa ine wetyimona umwe okuti walinga etyi tyapenga. Otyo Sesusi wetyiyandyulula umwe nawa mu Luka 12:47, 48. Inkha omunthu umwe ulingila umwe tyawina otyipuka tyapenga otyo etyi okuti etyi alinga Siovaa utyiyele, mahi muene etyilingi vala, omunthu ngoo Siovaa upondola okuehemuevela. (Malu. 3:29; Suau 9:41) Mahi okuti nthiki umwe Siovaa upondola okumuevela? Yoo upondola. Pena vali otyipuka otyikuavo Siovaa atala nawa pokuevela omunthu. Siovaa atala umwe nawa ine vokualinga onkhali welivela umwe nomutima auho? Okulivela okupiluluka atuyekepo ovipuka ankho tulinga ovivi. Tupu tyitusokesa komunthu umwe waihamenwa unene mokonda yotyipuka tyimwe otyivi alinga, aa mokonda yotyipuka tyimwe otyiwa ankho ina okulinga mahi ehetyilingi. Omunthu vokuelivela kaihamenwa vala mokonda yonkhali alinga, mahi tupu wihamenwa unene tyina asoka kotyipuka tyemutuala kokulinga onkhali. w22.06 5-6 §§ 15-17

Onondyale mbo vanthu va Huku, mbuyandyanese omatutu ayemba kovakuatate vokuakalela komutwe eongano lya Huku. (Sal. 31:13) Vamwe povakuatate ovo, vahungwa umwe avapakwa mokaleya. Otyipuka otyo, otyo-ñgo tyamonekele novakilisitau vokotyita tyotete. Apositolu Paulu wahungilue apakwa mokaleya. Ovakilisitau vamwe avayekepo okukuatesako Apositolu Paulu etyi eli mokaleya ko Loma. (2 Tim. 1:8, 15; 2:8, 9) Soka oñgeni otyipuka otyo tyakalesile Paulu. Paulu wakalele novitateka ovinyingi iya atee umwe apake omwenyo wae motyiponga pala okuvekuatesako. (Ovil. 20:18-21; 2 Kol. 1:8) Onthwe tuhalingei ngo vakilisitau ovo vokuayekele-po Paulu. Katyituhuvisa okunoñgonoka okuti, ava Satanasi haunene umwe ahanda okumonesa ononkhumbi ovo vana vokuetukalela komutwe. Satanasi lihanda umwe tyina livemonesa ononkhumbi avayekepo okukala ovakuatyili ku Siovaa nokumufenda. (1 Pet. 5:8) Tuhayekei-po ovakuatate vetu tutualeiko okuvekuatesako. — 2 Tim. 1:16-18. w22.11 16-17 §§ 8-11