Nawike utanga ovivi Jezabele alingile ahahuvu. Onkhai-Hamba Jezabele ankho utyii okuti Otyitumino tya Huku tyiita ovanthu vevali vakale onombangi opo etyi tyapopiwa tyitavelwe. (Deuteronômio 19:15) Moluotyo, wahonekele omikanda menyina lia Akabe, evitumu kovatumini voko Jezreel opo vaovole ovalume vevali, vatendeleye Nabote okuti wapopia ovipuka ovivi konthele ya Huku, opo aipawe. Etyi ankho ahanda etyivili. “Ovalume vevali vehesilivila” avatendeleya Nabote, iya mokonda yotyo aipawa. Tupu novana vae avaipawa!b (1 Reis 21:5-14; Levítico 24:16; 2 Reis 9:26) Akabe wayekele omukai wae alinge etyi ankho ahanda, iya aipaa ovanthu ankho vehena etyi valinga.