Oityi Ombimbiliya Ipopia Tyiyemba Kokunwa?

Ine tupula ovanthu atuti: ‘Tyapenga okunwa?’ Matyiti vala ou uya nei, ou uya nei. Ovanthu vamwe pamwe vetyihole tyokukala nomapanga avo otyo vanwapo kapii. Vamwe vati hahe vali okuahanu. Nkhele ovakuavo vanwa umwe avakolwa. Oityi Ombimbiliya ipopia tyayemba kokunwa?

1. Okuti tyapenga okunwa?

Ombimbiliya kayatile tyapenga okunwa. Atee umwe yapopia okuti Huku wetuavela “ovinyu ihambukiswe omutima” wetu. (Salmo 104:14, 15) Ombimbiliya ipopia ovanthu vamwe okuti ankho vehole unene Huku, mahi ankho vanwa. — 1 Timotiu 5:23.

2. Vana vanwa, oityi vena okuhinangela?

Siovaa ketyihande omunthu okunwa unene akolwa. (Ova Galata 5:21) Wapopia Mondaka yae okuti: “Wahakale na vana vanwa unene ovinyu.” (Provérbios 23:20) Naina ine tunwa, tyilinge tuli nokunuina povanthu, tyilinge tuli nokunwa atuike, tuna okulunguka tuahalambese. Omokonda yatyi? Omokonda tyina omunthu akolwa, wati umwe oe wahasoko nawa, oe ulinga vala ovipuka viahatiwa ovievi, oe upopia ovityapi. Tupu tyina omunthu anwa unene ulietela umwe vala onombela. Ine omunthu umwe ketyivili okuliteta, opo hahe ahanwa-anwe vali, etyiyekepo.

3. Oityi omunthu wokuna onthilo netyi vakuavo vasoka ahalingi?

Munthu na munthu oe muene utyii ankho manu ine kamanu. Ine vakuetu vanwa, mahi kavalambesa, opo otyo hatyetu-ko katupondola okulipaka-po. Ovanthu vokunwa, kavapondola okukuluminya vakuavo navo vanwe. (Ova Loma 14:10) Pahe, ine tuti ñgaa, vakuetu vakala omapita tyina tunwa? Opo hahe tuahanwa-anwe vali. (Tanga Ova Loma 14:21.) Katupondola ‘okuovola vala ouwa wetu muene, mahi tupu tuna okuovola ouwa wa vakuetu.’ — Tanga 1 Ova Kolindu 10:23, 24.

KUHANDE OKUNOÑGONOKA VALI?

4. Ove muene utyii ine monu ine kumanu

Okuti ku Sesusi ankho okunwa onkhali? Tangei Suau 2:1-11, mutale otyipuka tyimwe Sesusi alingile. Pahe amutomphola omapulo aa:

• Ngetyi tuatanga, okuti ku Sesusi ankho okunwa tyapenga?

• Tuetyimona okuti ku Sesusi ankho okunwa katyapengele. Pahe oñgeni ove una okutala omunthu unwa?

Namphila munthu na munthu oe muene utyii ine manu ine kamanu, mahi pamwe hatyiwako okunwa. Tangei Provérbios 22:3, amutomphola omokonda yatyi otyiwa okusoka nawa kovipuka evi viapopiwa pombuelo tyina tuehenenwe:

• Matutahe etuku-tuku hamwe omota. Matuundapa nomakina imwe onene.

• Tyina umulemi.

• Kosipitali tuapopilwa okuti hahe tuahanwe.

• Katutyivili okuliteta.

• Ovitumino viotyilongo viilika ovanthu veti liove okunwa.

• Tuna mukuetu wetyiyeka-po tyokunwa mokonda kohale ankho unwa unene.

Okuti monu tyina uli potyipito tya ava velinepa, na tyina mukwenyi ekukonga mukalie meumbo liavo? Oityi una okusoka tete? Talei OVIDIU.

OVIDIU: Okuti Mandyinu Ine Hahe Nahanwe? (2:41)

Tangei Ova Loma 13:13 na 1 Ova Kolindu 10:31, 32. Tyina muamatange otesitu ike, tompholei epulo eli:

• Oñgeni okusoka nawa konondaka mbo tesitu ei, matyikupe onondunge utyivile okulinga otyipuka matyihambukiswa Siovaa?

5. Monu atee-pi — natyo tupu una okutyisoka

Ine unwa, hinangela okuti Siovaa kailikile okunwa, mahi wailika ounkholwa. Omokonda yatyi etyiilikila? Tangei Oséias 4:11, 18, amutomphola epulo eli:

• Oityi tyilinga omunthu wakolwa?

Oityi tuna okulinga tuahanwe unene atukolwa? Tuna okunoñgonoka atee-pi matuhulila opo tuahakolwe. Tangei Provérbios 11:2, amutomphola epulo eli:

• Oityi tyahandela umwe okuti, ‘ame ndyinwa umwe vala atee apa’, ohalambesa?

6. Oityi omunthu wokunwa unene apondola okulinga etyiyekepo?

OVIDIU: ‘Ankho Hesukile Vali Nomuenyo Wange’ (6:32)

• Ngetyi tuamona movidiu, oñgeni Dmitry ankho akala nga anwa?

• Okuti monthiki ati ‘okutuka hono himanwa-anwa vali,’ wetyivilile okutyiyekapo?

• Oityi tyemukuatesako etyivili okuyekapo okunwa unene?

Tangei 1 Ova Kolindu 6:10, 11, amutomphola omapulo aa:

• Okuti okunwa unene onkhali onene ku Huku?

• Oityi tutila omunthu onkholwa upondola okutyiyekapo, akala umwe nawa?

Tangei Mateusi 5:30, amutomphola epulo eli:

• Etyi Sesusi ati tuna okutyoka-ko okuvoko kwetu, ankho uhanda vala okupopia okuti opo tuhambukiswe Siovaa, pamwe tuna okulikuatehila tuyekepo okulinga ovipuka vimwe, naapa umwe tyahapepukile. Ine kutyivili okuliteta, unwa unene, mahi kwetyihandele vali, oityi upondola okulinga utyiyekepo?a

Tangei 1 Ova Kolindu 15:33, amutomphola epulo eli:

• Oityi wesukisila okutala nawa omapanga ove?

ETYI WELILONGESA

Wamona okuti okunwa tuekupewa na Siovaa tuhambukwe. Mahi tupu wamona okuti Siovaa kahande tunwe atukolwa.

Okupitulula

• Oityi Ombimbiliya ipopia tyayemba kokunwa?

• Okunwa unene hatyiwa-ko mokonda yatyi?

• Oityi omunthu wokuna onthilo netyi vakuavo vasoka ahalingi?

KUHANDE OKUOVOLA VALI?

Ovipuka patyi ovakuendye vena okusoka nawa tyina veya pokuholovona ankho mavanu ine kamavanu?

Ndyinwe Ine Nahanwe? (2:31)

Ankho unwa unene, oityi upondola okulinga opo utyiyekepo?

“Tualako Okuliyunga Kovikunwa” (Omutala Womulavi 1 ya Fevereiro yo 2010)

Okuti tyapenga kovanthu va Huku okuveta kumwe ono kopo.

“Omapulo Ovatangi” (Omutala Womulavi 15 ya Fevereiro yo 2007)

Tanga onthele ei yati: “Ame Ankho Ndyinwa Unene”, utale etyi omukuendye ou alinga ayekepo okunwa unene.

“Ombimbiliya Ipilulula Omuenyo Wovanthu” (onthele Yomutala Womulavi)