• Wahayeke Natyike Tyikutyike Okulandula Sesusi
    Omutala Womulavi (Wokulilongesua)—2021 | Kapepo

    • (3) SESUSI KALANDULILE OVISO VIOVA SUNDEU

      Ovanthu ovanyingi vaanyene Sesusi mokonda ketavelele oviso viova Sundeu. Oñgeni tupu ovipuka ovio vipondola okupundukisa ovanthu hono? (Tala opalangalafu 13)d

      13. Oityi tyalingisisa ovanthu ovanyingi okuaanya Sesusi?

      13 Mononthiki mba Sesusi, ovalongwa va Suau Batisita vapulile omokonda yatyi ovalongwa va Sesusi vahakala ononthiki mbumwe tyihali. Sesusi evekumbulula okuti, ovalongwa vae kavakala tupu ononthiki mbumwe tyahali omokonda ngwe nkhele una omuenyo. (Mat. 9:14-17) Ova Faliseu novanthu ovakuavo ankho veyele Sesusi, avanumana unene mokonda ngwe ankho kalandula oviso viavo. Tupu avanumana unene, etyi Sesusi ahakula omunthu motyasapalo. (Malu. 3:1-6; Suau 9:16) Ova Faliseu ankho vahambukwa mokonda valandula otyitumino tyo tyasapalo. Mahi kuvo okulandesila Mondyuo ya Huku ankho hatyitateka-ko. Mahi etyi Sesusi apopia okuti kavapondola okulandesila Mondyuo ya Huku, avemunumanena. (Mat. 21:12, 13, 15) Tupu, vanumanene unene etyi Sesusi ekahi nokulongesila mondyuo yokufendela yoko Nasalee, eveeleka nova Isilayeli opo alekese okuti vetupu ekolelo. (Luka 4:16, 25-30) Otyipuka otyo atyilingisisa ovanthu ovanyingi okuaanya Sesusi. — Mat. 11:16-19.

      14. Omokonda yatyi Sesusi akoyesile oviso ankho vihelikuatele Nondaka ya Huku?

      14 Oityi Ovihonekwa vipopia? Pokati komuuli Isaiya Siovaa wapopile okuti: “Ovanthu ava vafuena kuame momulungu, nokumpha omunkhima nomilungu viavo vala. Mahi omutima wavo ukahi kokule naame, iya onthilo vena naame itunda movitumino valongesiwa novanthu.” (Isa. 29:13) Sesusi ankho walinga umwe nawa, etyi akoyesa ovanthu mokonda yoviso vihatukile Mombimbiliya. Ovanthu ovo, ankho vesuka vali novitumino ovinyingi viahindwa novanthu vihatukile Mondaka ya Huku. Iya okulinga ngotyo ongatyina vaanya Siovaa na Mesiya una atumine.

  • Wahayeke Natyike Tyikutyike Okulandula Sesusi
    Omutala Womulavi (Wokulilongesua)—2021 | Kapepo

    • (4) SESUSI KAPILULULILE OVATUMINI

      Ovanthu ovanyingi vaanyene Sesusi mokonda kapilululile ovatumini Oñgeni tupu ovipuka ovio vipondola okupundukisa ovanthu hono? (Tala opalangalafu 17)e

      17. Oityi ovanthu pononthiki mba Sesusi, ankho vakevelela alinge?

      17 Vamwe pononthiki mba Sesusi, ankho vakevelela okuti outumini maupiluluka. Ankho vahanda Mesiya eveyovole moutumini wova Loma. Mahi etyi nthiki imwe vahandele Sesusi akale ohamba, Sesusi ehetavela. (Suau 6:14, 15) Ovanakwa novanthu ovakuavo, ankho vasoka okuti hamwe Sesusi mapilulula ovatumini. Iya tupu ankho vena owoma yokuti ova Loma maveya avevepolo outumini wavo. Ovipuka ovio vialingisisile ova Sundeu ovanyingi okuaanya Sesusi.

      18. Omaulo patyi konthele ya Mesiya ovanthu vahanoñgonokele?

      18 Oityi Ovihonekwa vipopia? Omaulo omanyingi ankho apopilile okuti Mesiya mafindi. Mahi omakuavo alekesa okuti, tete ankho wesukisa okunkhila ononkhali mbetu. (Isa. 53:9, 12) Naina, omokonda yatyi ovanthu vasokela omapita konthele ya Mesiya? Ovanyingi pononthiki mba Sesusi, ankho kavanoñgonokele okuti omaulo kaapopi okuti Mesiya matetulula liwa-liwa ovitateka viavo. — Suau 6:26, 27.