“Tualako Okukala Tyalunguka”

25:1-12

Namphila onthengele-popia ya Jesus yo vamphembela ekwi ankho opala ovalembulwa, mahi nonthue tupondola okupolako esilivilo. (Omutala Womulavi 15/3/15 pomafo 12-16) “Tualako okukala tyalunguka mokonda nii onthiki nii oola kamuii.” (Mat. 25:13) Ove utyivila okuhangununa onthengele-popia oyo ya Jesus?

• Omphunga (vs. 1)—O Jesus

• Ovamphembela ovanandunge iya vafuapo (vs. 2)—Ovakristau Ovalembulwa vena ekolelo iya vafuapo opo vafuisepo otyilinga tyavo tyokuliaima ngotyimimi alo konthyulilo. (Fil. 2:15)

• Okuihana: “Omphunga yeya!” (vs. 6)—Tyilekesa okuya kwa Jesus

• Ovamphembela vehena onondunge (vs. 8)—Ovalembulwa vapita opo vekelivase nomphunga, mahi konyima avayekepo okukala tyalunguka iya avahakala nekolelo.

• Ovamphembela ovanandunge avehetavela okutepulilako vakuavo komulela wavo (vs. 9)—tyilekesa okuti ovalembulwa vapakwa enyingilikilo liahulilila, kavapondola vali okukuatesako vana vahatuaileko nekolelo.

• “Okuya kuomphunga” (vs. 10)—Jesus meya okukoyesa ovanthu tyina ononkhumbi ononene mbuhungi kokupwa.

• Ovamphembela vatualako tyalunguka avanyingila motyipito nomphunga iya pepito apayeilwa (vs. 10)—Jesus maongiya ovalembulwa vekolelo keulu iya vana vahatuaileko nekolelo avapumbwa ondyambi yavo yokeulu.