Omukuatate Omupe Pononkhalamutwe Mbonombangi Mba Siovaa

MUTATU komuhuka, monthiki 24 ya Janeiro yo 2018, ombunga yo Mbetele mo Estados Unidos no yoko Canada vahambukilwe unene etyi vapopilwa okuti Omukuatate Kenneth Cook Jr, pahe o umwe Pononkhalamutwe Mbonombangi mba Siovaa.

Omukuatate Kenneth Cook Jr watyitilwa iya ekulila mepunda-umbo lyo Pennsylvania ko Estados Unidos. Walongesilue otyili nepanga liae kosikola iya ambatisalwa monthiki 7 ya Junho yo 1980. Wakala omukokoli-ndyila monthiki 1 ya Setembro yo 1982. Etyi palamba omanima evali, akongwa opo akaundape ko Mbetele yoko Wallkill mepunda-umbo lyo Nova York, monthiki 12 ya Outubro yo 1984.

Momanima 25 alandulako, omukuatate Kenneth Cook Jr waundapa movilinga ovinyingi, ngetyi okuundapa no nomakina mbokulinga omikanda, no moseketa yokuyunga nawa ovipuka vyo Mbetele. Wanepa omphange Jamie mo 1996, iya nae ahimbika okuundapa mo Mbetele. Mohanyi ya Dezembro yo 2009, Omukuatate Kenneth Cook Jr nomukai wae avatumwa vakaundape ko Patterson mo Nova York, mo Mbetele Mulingilwa Onosikola Mbouhamba. Aundapa Moseketa Yokutambula nokutuma omikanda. Mohanyi ya Abril yo 2016, avakondoka ko Mbetele yoko Wallkill, iya konyima avatumwa ko Mbetele yo Brooklyn, mo Nova York. Etyi palamba onohanyi ononthano, avaende kombala yetu omphe ko Warwick, mo Nova York. Mohanyi ya Janeiro yo 2017, Omukuatate Kenneth Cook Jr, apewa otyilinga Tyokukuatesako Okomisau Yokuhoneka Yononkhalamutwe mbo Nombangi mba Siovaa.